Արցախի Հանրապետության նախագահի թեկնածու Մասիս Մայիլյանի եւ «Նոր Արցախ» դաշինքի նախընտրական շտաբները համատեղ հայտարարություն են տարածել՝ նշելով, որ չեղարկում են նախընտրական քարոզարշավի բոլոր հանդիպումները:
Հայտարարությունում ասվում է.
«Հարգելի հայրենակիցներ, մեզ պատուհասած նոր կորոնավիրուս համավարակի գնալով ահագնացող վտանգից ելնելով այսօրվանից չեղարկում ենք նախընտրական քարոզարշավի շրջանակներում նախատեսված հանրային բոլոր հանդիպումները։
Մեկ անգամ եւս փաստում ենք, որ Արցախը ՀՀ-ի հետ անվտանգության ընդհանուր միջավայրում է, ուստի համավարակի դեմ պայքարի տրամաբանությունն ու մարտավարությունը նույնական ու միասնական պետք է լինեն՝ խարսխված լինելով ՀՀ-ի արդեն իսկ ձեռք բերված փորձի վրա եւ ներդաշնակեցնելով բոլոր ջանքերը։
Արցախի Հանրապետության նախագահի թեկնածու Մասիս Մայիլյանի եւ «Նոր Արցախ» դաշինքի նախընտրական շտաբերը հանրությանը պարբերաբար կտեղեկացնեն հետագա քայլերի մասին։
Քաղաքացիներին կոչ ենք անում խստորեն հետեւել հիգիենայի կանոններին ու պատկան մարմինների հորդորներին։
Մեր երկրի անվտանգությունը եւ յուրաքանչյուր քաղաքացու կյանքը բացարձակ արժեքներ են, եւ ամեն ինչ պետք է արվի դրանց անվերապահ պահպանման համար»։
