News
Լրահոս
News
Ուրբաթ
Մարտ 29
Տեսնել լրահոսը

«Դիլիջանի ազգային պարկ»-ի անտառային տեղամասերում ապօրինի հատված 257 ծառ է հայտնաբերվել. հարուցվել է քրգործ եւ ուղարկվել է ՀՀ քննչական կոմիտե, ընդունվել վարույթ եւ իրականացվում է նախաքննություն: Այս մասին հայտնում են ՀՀ դատախազությունից:

ՀՀ գլխավոր դատախազության պետական շահերի պաշտպանության վարչությունում ուսումնասիրվել են «Դիլիջանի ազգային պարկ» ՊՈԱԿ-ի անտառածածկ տարածքներում իրականացված ստուգման արդյունքների վերաբերյալ փաստաթղթերը, որի արդյունքում պարզվել են ապօրինի բազմզաթիվ ծառահատումների դեպքեր, որոնք կատարվել են պաշտոնատար անձանց կողմից ծառայության նկատմամբ անբարեխիղճ կամ անփույթ վերաբերմունքի հետեւանքով իրենց պարտականությունները չկատարելու կամ ոչ պատշաճ կատարելու արդյունքում:

Մասնավորապես

 ՀՀ բնապահպանության եւ ընդերքի տեսչական մարմնի ղեկավարի՝ 2019թ. օգոստոսին տրված հանձնարարությամբ նույն մարմնի կենսաբազմազանության վերահսկողության վարչության բուսական աշխարհի վերահսկողության բաժնի եւ Երեւանի, Տավուշի, Շիրակի տեսուչները «Դիլիջանի ազգային պարկ» ՊՈԱԿ-ի անտառածածկ տարածքներում իրականացրել են ստուգումներ, որը ներառել է 2017թ․ նոյեմբերիից մինչ ստուգման ավարտն ընկած ժամանակահատվածը։

Ստուգման ընթացքում իրականացված մասնակի զննության արդյունքում արձանագրվել է 257 տարբեր տեսակի եւ տրամաչափի ապօրինի հատված ծառերի կոճղ, որից 92-ը հայտնաբերվել է «Հաղարծին», 54-ը՝ «Շամախյան», 111-ը՝ «Դիլիջան» տեղամասերումում։ Կազմված հաշվեգնահատման ակտերի ուսումնասիրությամբ պարզվել է, որ նշված ծառերի ապօրինի հատման արդյունքում բնությանը պատճառվել է ավելի քան 28մլն ՀՀ դրամի վնաս։

ՀՀ անտառային օրենսգրքի 26-րդ հոդվածի 3-րդ մասի համաձայն անտառային պետական ծառայության պաշտոնատար անձինք  պարտավոր են իրենց իրավասության սահմաններում կանխել անտառային օրենսդրության խախտումները, սահմանված կարգով վարել անտառային օրենսդրության խախտումների վերաբերյալ գործերը, անտառային օրենսդրության խախտումների համար համապատասխան պետական մարմնին միջնորդություն ներկայացնել անձանց վարչական կամ քրեական պատասխանատվության ենթարկելու վերաբերյալ, ինչպես նաեւ իրենց իրավասության սահմաններում դատարան հայց ներկայացնել անտառային տնտեսությանը հասցված վնասի հատուցման պահանջով: Սակայն «Դիլիջանի ազգային պարկ» ՊՈԱԿ պաշտոնատար անձինք պատշաճ չեն կատարել վերոհիշյալ հոդվածով նախատեսված  պարտականությունները, եւ 2017թ․ նոյեմբերի 25-ից մինչ 2019թ. սեպտեմբերի 30-նն ընկած ժամանակահատվածում ստուգվող տարածքներում որեւէ ապօրինի հատված ծառ չեն հայտնաբերել, անտառախախտման վերաբերյալ որեւէ արձանագրություն չեն կազմել։ 

Նկատի ունենալով, որ ՀՀ բնապահպանության եւ ընդերքի տեսչական մարմնի իրականացած ստուգման, ՀՀ գլխավոր դատախազության ուսումնասիրության արդյունքում ձեռք են բերվել պաշտոնատար անձանց կողմից ծառայության նկատմամբ անբարեխիղճ կամ անփույթ վերաբերմունքի հետեւանքով իրենց պարտականությունները չկատարելու կամ ոչ պատշաճ կատարելու արդյունքում անզգուշությամբ ծանր հետեւանքներ առաջացնելու հանցավոր արարքների առերեւույթ հատկանիշներ պարունակող տվյալներ՝ ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 315-րդ հոդվածի 2-րդ մասի եւ 296-րդ հոդվածի 3-րդ մասի հատկանիշներով հարուցվել է քրեական գործ:

Տպել
Կարդացեք նաև
Ամբողջը
«Ով է անմեղ մարդկանց «գլխին գործ սարքում». «Մեդլայնի» գործով «Թոքաբանության ազգային կենտրոնի» բաժնի վարիչն արդարացվել է
Գրառումնս ընդունել, որպես հաղորդում հանցագործության մասին...
Ոստիկանության Նոր Նորքի բաժին ներխուժելու դեպքով խուզարկություններ են անցկացվում շուրջ 40 վայրերում
ՀՀ ՆԳՆ Ոստիկանության Երևանի վարչության Նոր Նորքի բաժին մի խումբ անձանց…
Ճապոնիայում կարմիր բրնձի սննդային հավելումներ ընդունելուց հետո 680 մարդ ցանկություն է հայտնել բժշկի դիմել
Այս պահին գիտենք, որ 114 մարդ հոսպիտալացված է...
Թմրամոլության և ապօրինի թմրաշրջանառության դեմ Երևանի պարեկների պայքարի աչքի ընկած դրվագները
Մարտի 11-ին, կեսգիշերից քիչ անց, մայրաքաղաքի Անդրանիկի փողոցում ծառայելիս…
Հորը բռնության ենթարկելու, հարևանուհիներից մեկին սպանելու համար մեղադրվող տղամարդուն մեղադրանք է առաջադրվել
Նախաքննությունը շարունակվում է, պարզվում են նշված դեպքերի և դրանց նպաստած բոլոր հանգամանքները...
Մեքենան գլորվել է ձորը. վարորդը հիվանդանոցում մահացել է
Մարտի 27-ին, ժամը 17.45-ի սահմաններում, «ՈՒԱԶ-469B» մակնիշի մեքենան...
Ամենաշատ