News
Լրահոս
News
Ուրբաթ
Մարտ 29
Տեսնել լրահոսը

Իտալիայի վարչապետ Ջուզեպե Կոնտեն նախազգուշացրել է, որ ԵՄ-ն կզրկվի իր նշանակությունից, եթե չկարողանա լուրջ պաստասխան մշակել կորոնավիրուսի համավարակին եւ դրա հետ կապված ճգնաժամին։ Համապատասխան հայտարարությունը վարչապետն արել է իտալական Il Sole 24 Ore օրաթերթի լրագրողների հետ զրույցում։

«Եթե Եվրոպան չհաղթահարի այս աննախադեպ խնդիրը, ամբողջ եվրոպական կառույցը կկորցնի գոյության իմաստը մարդկանց համար»,- նախազգուշացրել է նա։

Խոսքը փոխառություններ ներգրավելու համար ԵՄ-ի պատմության մեջ առաջին համաեվրոպական բոնդերի մասին է`տնտեսությունը խթանելու եւ Եվրամիության առավել տուժած երկրներին աջակցելու համար: Դրանց թողարկման համար պնդում են Իտալիան եւ Իսպանիան, որոնք մյուսներից ավելի շատ են տուժել կորոնավիրուսից, հայտնում է DW-ն։

Մարտի 26-ին տեղի ունեցած վեցժամյա տեսակոնֆերանսի ընթացքում Եվրամիության 27 անդամ երկրների առաջնորդները չեն կարողացել համաձայնության գալ այդ հարցով, եւ արդյունքում ֆինանսների նախարարներին հանձնարարել են երկու շաբաթվա ընթացքում ձեւակերպել մոտեցում, որն ընդունելի կլինի Հռոմի եւ Մադրիդի համար։

Ըստ Կոնտեի՝ խոսքը ոչ միայն ԵՄ հետագա կուրսի շուրջ իր եւ Մերկելի միջեւ «պարզապես տարաձայնությունների», այլ «կոշտ եւ անկեղծ առճակատման» մասին է։

Ինչպես նշում է AFP-ն, եվրոյի ողջ գոտին առաջիկա ամիսներին կընկղմվի ռեցեսիայի մեջ։ Իտալիային փաստացի տնտեսական կոլապս է սպառնում այն բանից հետո, երբ նա եվրոպական երկրներից առաջինը մարտի 12-ին սառեցրեց իր ողջ բիզնեսը։

Ջոն Հոփկինսի ամերիկյան մասնավոր համալսարանի տվյալներով՝ մարտի 28-ի դրությամբ Ապենինյան թերակղզում կորոնավիրուսով վարակվածների թիվը 86 498 է, մահացածներինը՝ 9134, առողջացածներինը՝ 10 950։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ