ՄԱԿ գլխավոր քարտուղար Անտոնիո Գուտերիշը հայտարարել է Նյու Յորքին 250 000 պաշտպանական դիմակ նվիրաբերելու մասին, հայտնում է Associated Press-ը։
Նշվում է, որ դիմակները ՄԱԿ-ի պահեստներից են հանձնվել քաղաքին, որն ԱՄՆ-ում ամենաշատն է տուժել կորոնավիրուսի համավարակից։
«Այդ դիմակները Միացյալ ազգերի կազմակերպության նախաձեռնությամբ կփոխանցվեն Նյու Յորքի բուժաշխատողներին, որոնք աշխատել են քաջաբար, անձնազոհաբար եւ անխոնջ կերպով՝ ի պատասխան COVID-19-ի տարածման՝ հույս ունենալով ոչ մեծ դեր խաղալ կյանքեր փրկելու մեջ»,- հայտարարել է Գուտերիշը։
Նա հավելել է, որ ՄԱԿ-ը եւ կազմակերպության ամերիկյան առաքելությունը աշխատում են քաղաքապետ Բիլ դե Բլազիոյի գրասենյակի հետ, որպեսզի երաշխավորեն դիմակների անհապաղ առաքումը քաղաքի բուժհաստատություններ։
