Բագրատաշենի անցակետից հայկական բեռնատարները հետ են ուղարկում Հայաստան: Այս մասին իր ֆեյբուքյան էջում տեսանյութ է հրապարակել ԱԺ ԼՀԿ խմբակցության ղեկավար Էդմոն Մարուքյանը եւ կից գրառում կատարել.
«Նմանատիպ իրավիճակներից խուսափելու, դեպի Հայաստան անխափան բեռներ ներկրելու և բազմաթիվ այլ խնդիրներ չեզոքացնելու նպատակով դեռևս ուրբաթ օրը հատուկ ուղերձով դիմել էի ԵԱՏՀ Բարձրագույն Եվրասիական տնտեսական խորհրդին և անդամ երկրների խորհրդարանականներին` Կորոնավիրուսի համավարակի դեմ համատեղ պայքարի քայլեր ձեռնարկելու և նմանատիպ իրավիճակներից խուսափելու համար։
Ահա տեսեք այսօրվա անորոշ իրավիճակը Հայաստանի և Վրաստանի սահմանում»,- գրել է նա։
Տեսանյութում վարորդներից մեկն ասում է, որ բեռնատարները հետ են ուղարկում, քանի որ Ռուսաստանը արգելում է մեքենաների մուտքը. «Այսպես անորոշ վիճակի մեջ ենք, չենք հասկանում` ինչ կարելի նախաձեռնել այս պահից: Չենք հասկանում` ինչ է կատարվում»:
