News
Լրահոս
News
Երկուշաբթի
Օգոստոս 08
USD
405.95
EUR
413.66
RUB
6.73
Տեսնել լրահոսը

Ֆրանսիական Renault եւ Groupe PSA (Peugeot Societe Anonyme) ավտոարտադրողները կորոնավիրուսի համավարակի պայմաններում սկսում են թոքերի արհեստական օդափոխման (ԹԱՕ) սարքերի մշակումն ու թողարկումը: Այս մասին այսօր հայտնել է France Info ռադիոկայանը՝ ընդգծելով, որ երկրում զգացվում է այսպիսի բժշկական սարքերի մեծ պակաս, որոնք լայնորեն կիրառվում են վերակենդանացման բաժանմունքում COVID-19-ով հիվանդների բուժման ժամանակ: 

Renault-ում ներկայացված պրոֆմիություններից ստացված տեղեկությունների համաձայն՝ սարքերի թողարկումը կսկսվի արդեն այս շաբաթ: Ընկերությունն այս նպատակով ստիպված կլինի որոշ մասեր ստեղծել 3D պրինտերներով, քանի որ արդյունաբերական սարքավորումը դեռեւս պատրաստ չէ: Արտադրողն առաջին փուլում շաբաթական թողարկելու է 350 ԹԱՕ սարք:

Հենց օգտագործման համար պատրաստ լինի ճնշման տակ ձուլման սարքավորումը, Renault-ում կգործարկվի հոսքագիծ: Ընկերությունը միաժամանակ արհեստական շնչառության սարքի նոր մոդելի մշակումներ է կատարում: France Info-ի տեղեկություններով՝ այդպիսի չափազանց անհրաժեշտ սարքի թողարկում է սկսում նաեւ PSA կորպորացիան:

Շաբաթ կորոնավիրուսի դեմ պայքարին նվիրված մամուլի ասուլիսում Ֆրանսիայի վարչապետ Էդուար Ֆիլիպը հայտնել էր, որ Ֆրանսիան ակտիվ միջոցներ է ձեռնարկում, որ վերակենդանացման բաժանմունքներում տեղերի թիվը 5 հազարից ավելացնի մինչեւ 10 հազար, իսկ հետագայում նաեւ մինչեւ 14,5 հազար: Մասնավորապես՝ այս նպատակով ֆրանսիական Air liquide կորպորացիայից գնվել է ԹԱՕ հազար սարք:

Ըստ France Info-ի տեղեկությունների՝ սա Ֆրանսիայում միակ ընկերությունն է, որը արհեստական շնչառության սարքեր է արտադրում: La Tribune պարբերականի տեղեկություններով՝ ընկերությունը համաճարակի շրջանում ընդունած միջոցառումների հաշվին կկարողանա արտադրությունը մեծացնել եւ երկրի հարավ-արեւմուտքում գտնվող իր գործարանում ապրիլին կարող է թողարկել շնչառությանն օգնող 500 սարք, որոնք օգտագործվում են ինտենսիվ թերապիայի ժամանակ: Փարիզի մոտ գտնվող ձեռնարկությունում նույն ժամանակահատվածում թողարկվելու է թոքերի արհեստական օդափոխման 1,1 հազար սարք, որոնք կիրառվում են վերակենդանացման բաժանմունքներում:

Ֆրանսիայի առողջապահության գլխավոր վարչության տվյալներով՝ COVID-19 կորոնավիրուսի հետ կապված մահվան դեպքերի թիվը երկրում անցել է 2,6 հազարից: Ֆրանսիայում կորոնավիրուսով վարակման դեպքերի ընդհանուր թիվը կազմում է 40,2 հազար: ներկայումս հիվանդանոցներում է ավելի քան 19 հազար հիվանդ, որոնցից մոտ 4,6 հազարը՝ վերակենդանացման բաժանմունքներում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բայդենի Covid-19 թեստը դեռեւս դրական է
Ուրբաթ օրը Միացյալ Նահանգների նախագահ Ջո Բայդենի կորոնավիրուսի առկայությունն ընդունող նոր թեստը դրական է եղել. ԱՄՆ-ի առաջնորդը կշարունակի պահպանել ինքնամեկուսացման խիստ կանոնները...
Վերակենդանացման բաժանմունքներում և ստացիոնարներում քովիդով հիվանդների թիվն աճում է․ Անահիտ Ավանեսյան
Առողջապահության նախարար Անահիտ Ավանեսյանը «Սուրբ Գրիգոր Լուսավորիչ» բժշկական ․․․
Կորոնավիրուսի տարբերակներից մահացության տարբերությունները վկայում են դրա արհեստածին լինելու մասին․ ՌԴ ՊՆ
Նա հիշեցրել է, որ մայիսին The Lancet բժշկական ամսագրի առաջատար փորձագետ, Կոլումբիայի համալսարանի պրոֆեսոր Ջեֆրի ․․․
Գերմանիայի կառավարությունը կորոնավիրուսի դեմ պայքարի նոր միջոցառումների ծրագրեր է ներկայացրել
«Գերմանիան պետք է ավելի լավ պատրաստ լինի հաջորդ կորոնավիրուսային ձմռանը, քան նախորդ տարիներին...
Արարատ Միրզոյանը ԱՀԿ ներկայացուցչին ներկայացրել է 44-օրյա պատերազմի հետևանքով առաջացած հումանիտար մարտահրավերները
Հանդիպման ընթացքում նախարար Միրզոյանը զրուցակցի ուշադրությունն է…
Հոնկոնգի ամենամյա World Cuisine Expo-ի այցելուներին կարգելվի դելիկատեսներ համտեսել
Քաղաքում վերջին շաբաթների ընթացքում ամեն օր 3-ից 4000 վարակման դեպք է գրանցվում...
Ամենաշատ
Ֆոտոռեպորտաժներ