Մենք անընդհատ՝ փուլերով, բերում ենք, խստացման ռեժիմներ ենք փորձում իրականացնել. արդեն հասել ենք կրիտիկական վատ վիճակի։ Այս մասին այսօր՝ մարտի 30-ին ԱԺ արտահերթ նիստում «Արտակարգ դրության իրավական ռեժիմի մասին» օրենքում լրացումներ կատարելու մասին օրինագծերի փաթեթի արագացված ռեժիմով քննարկման ժամանակ հայտարարեց ԱԺ փոխնախագահ Վահե Էնֆիաջյանը։
«Եկեք տեսնենք ամենածայրահեղ կանխարգելող միջոցառումները որոնք են եղել, այդ ռեժիմը սահմանենք: Հայաստանում պետական այրերի մակարդակով ամենատարբեր զավեշտի հասնող քննարկումներ են տանում՝ 2 հոգի, ընտանիքի 2 անդամներ չեն կարող միաժամանակ մեքենայի մեջ գտնվել, 132 հոգով մի դահլիճում նստած, 2 ժամից ավելի քննարկում ենք իրականացնում։ Ամենախիստ ռեժիմը եկեք սահմանենք, որպեսզի իրոք կանխարգելող լինենք»։