«Վերին Լարս» հսկիչ անցակետում բեռների փոխադրման հետ կապված դժվարությունները կապ չունեն Ռուսաստանի հետ հարաբերությունների հետ: Այս մասին լրագրողների հետ զրույցում ասաց ՀՀ փոխվարչապետ Մհեր Գրիգորյանը:
Նա նկատեց, որ բեռնատար տրանսպորտի համար սահմանը դե յուրե բաց է, ապրանքների տեղափոխումն ազատ կարող է իրականացվել: «Այլ հարց է, որ կարող են անցակետով անցման սահմանափակումների հետ կապված խնդիրներ առաջանալ: Մեր գործընկերների հետ համակարգային խնդիրների բացակայության մասին վկայում է այն, որ նման խնդիրներ չեն առաջանում Փոթիով բեռների փոխադրման ժամանակ»,- հավելեց փոխվարչապետը: