Ես այս քայլը բավականին ուշացած եմ հարամում արդյունավետության առումով: Այս մասին այսօր՝ մարտի 30-ին ԱԺ արտահերթ նիստում «Արտակարգ դրության իրավական ռեժիմի մասին» օրենքում լրացումներ կատարելու մասին օրինագծերի փաթեթի արագացված ռեժիմով քննարկման ժամանակ հայտարարեց ԲՀԿ խմբակցության պատգամավոր Միքայել Մելքումյանը:
«Երբ մենք արտակարգ դրության ռեժիմը քննարկում էինք, ես ասել եմ, որ շատ տեղերում պետք է կոշտ բաներ դնեինք: Այն, ինչ մենք հիմա անում ենք, դրա կորելացիան, ազդեցությունը, լոկալիզացիան ինչ աստիճանով է գնում, որովհետեւ այս գործընթացները բերում են նաեւ տնտեսական վիճակի վատթարացման: Ես միշտ ասել եմ, որ մի մարդու կյանքը ավելին է, քան միլիոնավոր կամ միլիարդավոր դրամներ, բայց այս ամեն ինչը ուր է տանում: Այդ կոնտեքստում որքան է այս միջոցառման արդյունավետությունը: Թե՞ թելը բաց ենք թողել եւ գնում ենք դեպքերի հետեւից, այլեւս չես կարող տասնյակ հազարավոր դեպքերի հետեւից գնալ: Խոսքը ռիսկային խմբերի մասին է»,-ասաց նա: