«Իմ քայլը» խմբակցության պատգամավոր Վաղարշակ Հակոբյանը զարմանում է, թե ինչու կորոնավիրուսից մահացածներին պահելու, հուղարկավորելու հարցով պարետի որոշում չի ընդունվել, այն այն բերվել է ԱԺ քննարկման «Բնակչության բժշկական օգնության և սպասարկման մասին ՀՀ օրենքում» փոփոխություններ կատարելու նախագծի տեսքով։ Այս մասին այսօր՝ մարտի 30-ին, ԱԺ ամբիոնից ասաց պատգամավորը։
«Կա՞ փաստ՝ արդյոք դիակը կարող է վարակի փոխանցման աղբյուր լինել, արդյո՞ք որոշվել է, թե կորոնավիրուսից մահացածները որտեղ են պահվելու մինչեւ հուղարկավորությունը։ Ինչո՞ւ կառավարության կամ պարետի որոշմամաբ չի կատարվում փոփոխությունը, քանի որ ժամանակավոր է, ինչո՞ւ է բերվում ԱԺ։ Ինձ մոտ հարցեր կան օրենքի՝ ԱԺ բերելու մոտիվացիայի հետ կապված, որոնց մասին հիմա չեմ բարձրաձայնի»,- ասաց նա։