Reuters. Հունգարիայի վարչապետն անսահմանափակ հավելյալ լիազորություններ է ստացել կորոնավիրուսի դեմ պայքարի համար, հաղորդում է Reuters-ը:
Համապատասխան օրենքն ընդունել է երկրի խորհրդարանը:
Արտակարգ դրության երկարաձգման մասին օրենքը քննադատության է արժանացել ընդդիմադիր կուսակցությունների, իրավապաշտպան խմբերի եւ Եվրոպայի Խորհրդի կողմից: Այն նաեւ նախատեսում է կորոնավիրուսի կանխարգելման միջոցառումների խախտման եւ դրա հետ կապված կեղծ տեղեկության տարածման համար մինչեւ 5 տարվա ազատազրկում:
Ընդդիմադիր օրենսդիրները հայտարարել են, որ այդպիսով հետագայում խորհրդարանը կարող է անհրաժեշտության դեպքում երկարաձգել կառավարության հատուկ լիազորությունները: Սակայն խորհրդարանը մերժել է ընդդիմության առաջարկած բոլոր փոփոխությունները:
Ակնկալվում է, որ վարակն իր գագաթնակետին կհասնի մինչեւ հունիս կամ հուլիս: Վերջին տվյալներով՝ Հունգարիայում հաստատվել է կորոնավիրուսով վարակման 447 եւ մահվան 15 դեպք:
