Ford ընկերությունը հայտարարել է, որ հաջորդ 100 օրվա ընթացքում Միչիգանի գործարանում General Electric-ի բժշկական ստորաբաժանման հետ համագործակցությամբ կթողարկի թոքերի արհեստական օդափոխության 50 հազար սարք, հայտնում է Reuters-ը:
Դրանից հետո ընկերությունը ամսական 30 հազար ԹԱՕ սարք է թողարկելու նոր տեսակի կորոնավիրուսով տառապող պացիենտների համար:
Ընկերությունից նշել են, որ ԹԱՕ նոր սարքերն ունենալու են պարզեցված դիզայն, որը ստացել է General Electric-ի բժշկական ստորաբաժանման հավանությունը:
Նոր սարքի աշխատանքը հիմնվելու է մթնոլորտային ճնշման վրա, էլեկտրականություն չի պահանջվելու:
Ավելի վաղ կորոնավիրուսի համավարակից առավել տուժած նահանգների ղեկավարները դիմել էին ԱՄՆ նախագահ Դոնալդ Թրամփի աշխատակազմին, ինչպես նաեւ արտադրողներին՝ խնդրելով արագացնել ԹԱՕ սարքերի արտադրությունը: Նյու Յորքի հիվանդանոցներում ներկայումս արդեն մեկ սարք են օգտագործում 2 պացիենտի թոքերի աշխատանքը պահպանելու համար:
ԱՄՆ նախագահ Դոնալդ Թրամփը օգտվել է պաշտպանական արտադրության մասին օրենքի շրջանակում իր լիազորություններից՝ խոշորագույն ավտոարտադրողներին, ներառյալ Ford-ին եւ General Motors-ին, հանձնարարելով զբաղվել ԹԱՕ սարքերի արտադրությամբ:
