News
Լրահոս
News
Ուրբաթ
Հունիս 05
USD
481.74
EUR
546
RUB
7.01
ME-USD
0.03
Տեսնել լրահոսը

Արդարադատության նախարար Ռուստամ Բադասյանն այսօր Ազգային ժողովում անդրադարձել է նախօրեին առաջին ընթերցմամբ ընդունված «Արտակարգ դրության իրավական ռեժիմի մասին» օրենքում լրացումներ կատարելու մասին» եւ «Էլեկտրոնային հաղորդակցության մասին» օրենքում լրացում կատարելու մասին» օրենքների նախագծերի փաթեթի վերաբերյալ թյուրընկալումներին։

Այս առնչությամբ արդարադատության նախարարության տարածած հաղորդագրության մեջ ասվում է.

«Նախարարը, հետեւելով նախօրեին սոցիալական ցանցերում մեր քաղաքացիների կողմից այս Նախագծին վերաբերող քննադատություններին ու մտահոգություններին, արձանագրել է, որ Հայաստանի Հանրապետության քաղաքացիներն ամենայն լրջությամբ են վերաբերվում իրենց իրավունքներին ու ազատություններին, եւ ուրախալի փաստ համարել այն հանգամանքը, որ քաղաքացիները պատրաստ չեն զիջել որեւէ իրավունք եւ ազատություն, եթե բոլոր դեպքերում պատշաճ բացատրություններ չեն ներկայացվում, թե ինչո՞ւ է անհրաժեշտ թեկուզ համաճարակի հիմքով, թեկուզ արտակարգ դրության ընթացքում այդ իրավունքներն ու ազատությունները սահմանափակել։

Այդ համատեքստում, նախարար Բադասյանը ներկայացրել է, թե ինչի՞ մասին չէ Նախագիծը՝ ընդգծելով, որ այդ սահմանափակումները վերաբերում են բացառապես համաճարակի հիմքով հայտարարված արտակարգ դրությանը։

Արտակարգ դրության ավարտից հետո որեւէ սահմանափակում չի՛ գործելու։

Քաղաքացիների մասին որեւէ նոր տվյալ չի՛ հավաքվելու եւ չի՛ մշակվելու։ Օպերատորների մոտ առկա տվյալները համատեղվելու են մեկ միասնական բազայում՝ համաճարակի դեմ պայքարելու համար։

Մեկտեղված բոլոր տվյալները ենթակա են լինելու ոչնչացման արտակարգ դրության ավարտից հետո։

Այս ամենը որեւէ կերպ Չի՛ ենթադրում հեռախոսային խոսակցության բացահայտում․ կարեւոր է բացառապես զանգի կատարման փաստն ու տեղանքը ֆիքսելը։

Թեեւ մեկտեղվելու է օպերատորների մոտ առկա տեղեկատվությունը, այդուհանդերձ, տվյալների մշակումը կարող է իրականացվել այն նվազագույն քանակով, որն անհրաժեշտ է սահմանված նպաակին հասնելու համար։ Այսինքն, եթե անձը ռիսկի գոտում չէ, չե՛ն կարող մշակված տվյալների հիման վրա վերլուծություն իրականացնել․ դա կհանգեցնի քրեական պատասխանատվության։

Ռուստամ Բադասյանը նաեւ բացատրել է, թե ինչո՞ւ է անհրաժեշտ զանգի փաստը եւ ինչո՞ւ է այս համակարգն արդյունավետ․ «Ենթադրենք վարակակիրը ինտենսիվ շփման մեջ է գտնվել տասը անձի հետ։ Տեղակայման փաստն ուսումնասիրելիս՝ պարզվում է, որ այդ անձերից հինգը նույն վայրում են գտնվել։ Եթե նույն վայրում են գտնվել ու վերջին, օրինակ, տասն օրվա ընթացքում նաեւ զանգեր են կատարել միմյանց, սա ենթադրում է, որ մեծ է հավանականությունը, որ այդ անձինք շփվել են ու վարակվել են։ Այս պարագայում լրացուցիչ գործողություններ կկատարվեն Կառավարության որոշմամբ սահմանված կարգով՝ անհրաժեշտության դեպքում այդ անձանց մեկուսացնելու համար։ Իսկ մյուս հինգ անձինք, ում հետ վարակակիրը խոսել է եւ նույն տեղանքում չի գտնվել, այլեւս «հետաքրքրություն» չեն ներկայացնի»։

Ամփոփելով խոսքը՝ նախարարը շեշտել է, որ նժարի մի կողմում վրա դրված արժեքներ են՝ կյանքն ու առողջությունը, մյուսին՝ անձանց իրավունքների եւ ազատությունների համաչափ սահմանափակումը։ «Եթե ես որեւէ պահի կասկածեի, որ այս միջոցով հնարավոր չի լինելու փրկել մարդկանց կյանքեր, ապա այս նախագիծը Կառավարությունը հետ կկանչեր»,- հայտարարել է Ռուստամ Բադասյանը։

!
Այս նյութը հասանելի է նաև   English
Տպել
Կարդացեք նաև
Ամբողջը
Ոստիկանության ծառայողների հետ շփումները հասկանալի պատճառներով այսուհետ ավելի հաճախակի են դառնալու. փաստաբան
Անձին բերման ենթարկելիս, կամ նրա իրավունքները այլ կերպ սահմանափակելիս, ոստիկանության ծառայողը պարտավոր է ներկայանալ…
Զոհրաբ Մնացականյանը Վրաստանի ԱԳ նախարարի հետ զրուցել է կորոնավիրուսի դեմ պայքարի մասին
Հունիսի 5-ին Հայաստանի ԱԳ նախարար Զոհրաբ Մնացականյանը հեռախոսազրույց ունեցավ Վրաստանի ԱԳ նախարար Դավիդ Զալկալիանիի հետ...
Ենթադրում եմ, որ քաղաքացին հրաժարվել է կատարել ոստիկանության օրինական պահանջը. Տ. Ուլիխանյան
Դա անլուրջ վերաբերմունք է սեփական անձի, սեփական ընտանիքի, հարազատների նկատմամբ, հանրության…
Արտակարգ դրության կանոնները խախտելու փաստերով մինչ օրս կազմվել է շուրջ 23000 արձանագրություն
Տրանսպորտային միջոցում վարորդը և ուղևորները պարտադիր պետք է լինեն դիմակով…
Պարետի նոր որոշումը՝ նախադպրոցական ուսումնական հաստատությունների գործունեությունը արգելելու մասին
7 օրով արգելել Երեւանի Աջափնյակ վարչական շրջանի «Երեւանի հ. 40 մանկապարտեզ» ՀՈԱԿ-ի գործունեությունը…
Փոխվարչապետ Տիգրան Ավինյանը և Առողջապահության նախարարն այցելել են բժշկական հաստատություններ
Փոխվարչապետն առանձնակի ուշադրություն է դարձրել վերակենդանացման բաժանմունքում առկա բժշկական սարքերին...