Ընտրակեղծիքների վերաբերյալ տարբեր ազդանշաններ կան, հիմնականում դա կապված է նրա հետ, որ մարդիկ քվեաթերթիկները նկարում են: Այս մասին այսօր՝ մարտի 31-ին, քվեարկությունից հետո լրագրողների հետ զրույցում նշեց Արցախի ԱԳ նախարար, Արցախի նախագահի թեկնածու Մասիս Մայիլյանը:
«Նկարում են, որ ցույց տան իրենց ուղղորդողներին, որ իրենց պատվերը կատարված է»,-ասաց նա:
Հարցին, թե որ դեպքում չի ընդունի ընտրությունների արդյունքները, նա պատասխանեց. «Եթե տոտալ կեղծիքներ լինեն, այդ ժամանակ չեմ ընդունի»:
Ինչ վերաբերում է իր շանսերին, Մայիլյանն ասաց. «Իմ շանսերը շատ բարձր եմ գնահատում, եւ ընտրվելուց հետո իրականացնելու ենք արմատական բարեփոխումներ»: