News
Լրահոս
News
Հինգշաբթի
Մարտ 28
Տեսնել լրահոսը


Մենք ստիպված ենք ՀՀ քաղաքացիների մի շարք կենսական իրավունքներ սահմանափակել, բայց մենք այդ ամենը հո չե՞նք անում քաղաքական նպատակներով. Սա մենք անում ենք իրավիճակը կառավարելի պահելու և ի վերջո, կորոնավիրուսը հաղթահարելու համար: Այս մասին Facebook-ի իր էջում ուղիղ եթերում հայտարարեց ՀՀ վարչապետ Նիկոլ Փաշինյանը:

«Նաև սրա հետ է կապված այն օրենսդրական փոփոխությունը, որ կառավարությունն առաջարկել է, ԱԺ-ն ցավոք չընդունեց, բավարար չեղան կողմ ձայները, բայց հիմա փնտրվում է եղանակ նորից ԱԺ ներկայացնելու այդ նախագիծը: Այդ նախագծի իմաստը հետևյալն է. երբ քաղաքացու մոտ արձանագրվում է հաստատված դեպք, մենք փորձում ենք հասկանալ, թե ինքը որտեղից է վարակվել, կամ ում հետ է շփվել: Այս երկու կատեգորիայի մարդկանց մեկուսացնում ենք հիվանդության հետագա տարածումը կանխելու համար: Բայց հիմա արդեն ունենք իրավիճակներ, երբ այնքան էլ վստահ չենք, թե քաղաքացին ումից է վարակվել, և ում հետ է շփվել: Հիմա նաև համաշխարհային փորձը հաշվի առնելով եկել ենք այնպիսի մեխանիզմի, որ քանի որ բոլորն ունեն բջջային հեռախոսներ եւ համակարգիչն ինքը շատ արագ ցույց կտա, թե մարդը վերջին շրջանում ում հետ է շփվել, ովքեր են պոտենցիալ շրջանակը, որ կարող է վարակված լինեն եւ դրա միասին տեղյակ չլինեն: Սա հնարավորություն կտա, որ մենք բջջային հեռախոսների տվյալներն օգտագործելով նախ մարդկանց իրազեկել, հետո հասկանալ այն շրջանակը, թե ովքեր են պոտենցիալ վարակակիրները»,-ասաց Փաշինյանը՝ վստահեցնելով, որ որեւէ այլ նպատակով այդ տվյալները չեն օգտագործվելու:

Նա նկատեց, որ իրենք մեծագույն տհաճությամբ են գնում այս քայլին, բայց հասկանում են, որ առանց այդ միջոցների կիրառման իրավիճակի հետագա զարգացումը կարող է դառնալ շատ ավելի անկանխատեսելի. «Այս իրավիճակը հավասարապես տհաժ է անձամբ ինձ համար եւ կառավարության համար, որովհետեւ դրա հետեւանքով առաջանում են բազմաթիվ չնախատեսված պրոբլեմներ եւ դրանց պատասխանատուն կառավարությունն է, ես եմ: Ինչքան սահմանափակումները երկարում են, այնքան պրոբլեմները խորանում են, այդ թվում տնտեսական ու սոցիալական: Խնդրում եմ՝ բոլորս ըմբռնումով մոտենանք այս իրավիճակին»:

Նիկոլ Փաշինյանի խոսքով, բոլորը տեսել են, որ մինչեւ դանակը ոսկորին չի հասել, որեւէ սահմանափակում չեն մտցրել:

«Իսկ ինչու են շատանում դեպքերը, շատանում են նաեւ այն պատճառով, որ մենք սահմանափակումները ճշգրիտ չեն պահում: Նաեւ ունենք բերովի դեպքեր, որովհետեւ հաղորդակցությունը 100 տոկոսով փակված չի, բեռնափոխադրումներ են տեղի ունենում, որի հետ վարկվածության որոշակի դեպքեր են ի հայտ գալիս, եւ այդ դեպքերը հաշվառվում են»,-ասաց նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ