Դիլիջանի ոլորանների անշարժ պահակակետում իրականացվող շուրջօրյա ծառայության ընթացքում ստուգել են Երեւան քաղաքի բնակիչ Վ.Հ.-ի կողմից վարած «Վոլվո» մակնիշի ավտոմեքենա կցորդիչով՝ ավտոտրանսպորտային միջոցը, որում հայտնաբերել են 30խմ հաճարենի տեսակի ապօրինի կողահատ տախտակ: Այս մասին տեղեկանում ենք ՀՀ ոստիկանության լրատվության ծառայությունից։
2020 թվականի մարտի 29-ին Բնապահպանության եւ ընդերքի տեսչական մարմնի Տավուշի տարածքային բաժնի տեսուչները Ոստիկանության աշխատակակիցների հետ համատեղ Իջեւան-Երեւան ավտոճանապարհի Դիլիջանի ոլորանների անշարժ պահակակետում իրականացվող շուրջօրյա ծառայության ընթացքում ստուգել են Երեւան քաղաքի բնակիչ Վ.Հ.-ի կողմից վարած «Վոլվո» մակնիշի ավտոմեքենա կցորդիչով՝ ավտոտրանսպորտային միջոցը, որում հայտնաբերել են 30խմ հաճարենի տեսակի կողահատ տախտակ: Վարորդը փայտանյութի ձեռքբերման եւ տեղափոխման վերաբերյալ օրինականությունը վկայող որեւէ փաստաթուղթ չի ներկայացրել եւ հայտնել է, որ այն պատկանում է Տավուշի մարզի Գանձաքար գյուղի բնակիչ Ա.Ս.-ին: Մեքենան եւ փայտանյութը տեղափոխվել են Ոստիկանության Դիլիջանի բաժնի հատուկ պահպանվող տարածք:
Դեպքի առթիվ հանգամանքները ճշտվում են: