Նպատակարահարմար չէ՞արդյոք արգելել տնից դուրս գալ մեր մեծահասակ հայրենակիցներին և խրոնիկ հիվանդություններ ունեցողներին, բոլոր մյուս առումներով էլ կյանքը մտնի հունի մեջ: Այսօր՝ մարտի 31-ին, ԱԺ արտահերթ նիստում արդարադատությանն ախարար Ռուստամ Բադասյանին նման հարցով դիմեց ԱԺ «Իմ քայլը» խմբակցության պատգամավոր Հովիկ Աղազարյանը:
Նա նաեւ շարունակեց. «Կարո՞ղ է արդյոք նպատակահարմար լինել մեծ քաղաքներում, Երևանում մի քանի տեղ կազմակերպել հասարակական սննդի կետեր մեր այն հայրենակիցների համար, որոնք աշխատում են օրավարձով և այսօր դժվարություն ունեն իրենց ընտանքիները կերակրելու հարցում»:
Ի պատասխան Ռուստամ Բադասյանն ասաց, որ պարետատան մշտական ուշադրության կենտրոնում են պատգամավորի բարձրացրած հարցերը: Նա հիշեցրեց, որ տարեցների համար խանութ և դեղատան գնալու հատուկ ժամ է սահմանված և այլ միջոցառումներ ևս նախատեսում են կիրառել:
Ինչ վերաբերում է Աղազարյանի մյուս հարցին, նախարարն ասաց. «Նկատի ունենալով համաճարակի տարածման տեմպերը՝ նման կենտրոնների ստեղծումը կարող է այս ոլորտում ավելի մեծ խնդիրներ առաջացնել, ուստի պետք է ձեռնպահ մնալ: Եթե նման անհրաժեշտություն առաջանա քաղաքացիներին սննդով ապահովելու, կարծում եմ՝ դա պետք է ապահովի ավելի թիրախային, կոնկրետ տվյալ անձանց սննդի մատակարարմամբ, ոչ թե նման սննդի կետեր ստեղծելով»:
