Սովորաբար մոտ 122 հմայիչ քաշմիրյան այծերի նախիրը գալիս է  Լլանդիդնո (Ուելս, Մեծ Բրիտանիա) հանգստավայր միայն վատ եղանակին, բայց երբ այն դատարկվեց կարանտինի պատճառով, կենդանիները որոշեցին փոքրիկ չնախատեսված այց կատարել, հայտնում է USA.one-ը: Այծերը հեղեղել են դատարկ քաղաքի կենտրոնը` ուտելով տեղական այգիների թփեր ու ծաղիկները:

Ըստ քաղաքային խորհրդատու Քերոլ Մարուբիի` եղջրավորներին գրավել են Լլանդիդնոյի համար անսովոր դատարկ փողոցները: «Նրանք հետաքրքրասեր արարածներ են իրենց բնույթով,- նշել է կինը,- եւ իրենք իրենց հարցնում են, թե ինչ է կատարվում, ինչպես կհարցներ մեզանից յուրաքանչյուրը նրանց տեղում: Այժմ այստեղ գրեթե ոչ ոք չկա, ուստի նրանք իրենց նախիրով եկել են քաղաք եւ, ըստ ամենայնի, որոշել են զավթել իշխանությունը»:

Մարուբին հավելել է, որ բնակիչներն «անասելի հպարտ» են կենդանիներով եւ ուրախանում են «անվճար զվարճանքի» համար, ինչպիսին այծերը դարձել են չորս պատի մեջ փակված շատ տեղացիների համար:

I think I am now the man who stares at goats (in the middle of the road) pic.twitter.com/Ptzh0zY5UC

— Andrew Stuart (@AndrewStuart) March 30, 2020