Պանամայի իշխանությունները որոշել են կորոնավիրուսի համավարակի դեմ պայքարի շրջանակում սահմանափակումներ մտցնել սեռի հիմքով:
Պանամայի իշխանությունները տղամարդկանց կոչ են անում վաղվանից սկսած մթերային խանութներ եւ այլ հաստատություններ այցելել երեքշաբթի, հինգշաբթի եւ շաբաթ, իսկ երկուշաբթին, չորեքշաբթին եւ ուրբաթը կվերապահվեն կանանց, հայտնում է AFP-ն: Կիրակի բոլորին խնդրում են մնալ տանը:
«Սա ոչ այլ ինչ է, եթե ոչ լիակատար կարանտին, որպես ձեր կյանքի փրկություն»,- ասել է անվտանգության նախարար Խուան Պինոն:
Երեկվա դրությամբ՝ Պանամայում գրանցվել է կորոնավիրուսի 1075 դեպք, 27 մարդ մահացել է: