Գերմանիան նախատեսում է սթարթ-ափերին 2 մլրդ եվրո հատկացնել՝ աջակցելու համար կորոնավիրուսային ճգնաժամի շրջանում, հայտարարել է Գերմանիայի ֆինանսների նախարար Օլաֆ Շոլցը, հայտնում է Reuters-ը:
«Օգնության բոլոր նորմալ ծրագրերն, իհարկե, նույնպես հասանելի են սթարթ-ափերին, բայց մենք նաեւ ցանկանում ենք ինչ-որ բան անել ընկերությունների համար, որոնք վարկային գծեր ստանալու ավելի քիչ հնարավորություններ ունեն, եւ որոնց եկամուտները կրճատվել են կարճատեւ աշխատաժամի անցնելու պատճառով»,- հայտարարել է Գերմանիայի էկոնոմիկայի նախարար Պետեր Ալթմայերը Շոլցի հետ համատեղ մամուլի ասուլիսում:
«Ահա թե ինչու ենք մենք ստեղծել 2 մլրդ եվրոյի այս մասնագիտացված ծրագիրը, որը սթարփ-ափերին կօգնի կանգուն մնալ այս ծանր ժամանակում»,- հավելել է Ալթմայերը:
