News
Լրահոս
News
Շաբաթ
Մայիս 30
USD
483.91
EUR
533.66
RUB
6.83
ME-USD
0.03
Տեսնել լրահոսը

«Ազատ հայրենիք» կուսակցության նախագահ, Արցախի Հանրապետության նախագահի թեկնածու Արայիկ Հարությունյանը պատրաստ է քաղաքական բոլոր ուժերի հետ համագործակցել։ Այս մասին այսօր՝ ապրիլի 1-ին, լրագրողների հետ հանդիպմանն ասաց Արայիկ Հարությունյանը՝ պատասխանելով հարցին՝ Կառավարություն կազմելու համար արդյոք պատրա՞ստ է կոալիցիա կազմել մյուս թեկնածուների հետ։

«Առանձին անուններ չեմ հայտարարի։ Ժամանակին հայտարարել եմ՝ այն ուժերի հետ, որոնք կընդունեն օրակարգը. սոցիալ-տնտեսական, Արցախի զարգացման, անվտանգության եւ կարեւոր պայմանը՝ Արցախը Հայաստանն է եւ վերջ, ինչպես նաեւ՝ Արցախի իշխանությունները պարտավոր են համագործակցել Հայաստանի իշխանությունների հետ, միայն մի հարցում կարող է տարաձայնություն լինել՝ Ղարաբաղի հարցում։ Այն ուժերը, որոնք պատրաստ են համագործակցել այս ծրագրեր շրջանակներում, ապա մենք համագործակցելու ենք»։

Հարցին՝ արդյոք նախագահի թեկնածուներից Մասիս Մայիլյանին ինքը պաշտոնի առաջարկություն անե՞լու է կամ պատրաստվո՞ւմ է համագործակցել Սամվել Բաբայանի հետ, Հարությունյանն ասաց.

«Ես դեռ ոչ մեկի հետ չեմ հանդիպել։ Արցախում ես հակառակորդ, թշնամի չունեմ։ Մասիս Մայիլյանի հետ ունեմ անցած ճանապարհ. հարեւաններ ենք։ Սամվել Բաբայանը եղել է մեր հրամանատարը, երբ ես ծառայում էի. թեկնածուներից երկուսն էլ սանիկներս են։ Բոլորի հետ ընկերներ ենք։ Ես խնդրում եմ հայաստանյան լրատվամիջոցներին՝ մի փորձեք արհեստական սեպ խրել մեր մեջ»։

Անդրադառնալով ընտրությունների երկրորդ փուլի անցկացման իր առաջիկա ծրագրերին, նախագահի թեկնածուն ասաց. «Որեւէ քարոզչական հանդիպումներ չեմ իրականացնելու, քարոզչականը կտեսնեմ նայած ակտիվությունից, որպեսզի մեր հասարակությանն այս լարվածությունից հանենք։ Կարծում եմ, որ ժողովուրդն ունի քվեարկելու իր որոշումը, շատ անելիքներ չկան»։

Նշենք, որ քիչ առաջ Արցախի ԿԸՀ-ն պաշտոնապես հրապարակեց Արցախում մարտի 31-ին կայացած նախագահական ընտրությունների նախնական արդյունքները։ Ըստ այդմ, թեկնածուներից ոչ մեկը չի ստացել 50 տոկոսից ավելի ձայն, հետեւաբար պետք է տեղի ունենա քվեարկության երկրորդ փուլ՝ ապրիլի 14-ին:

Ըստ այդմ, առաջատար եռյակի ձայները բաշխվել են հետեւյալ կերպ.

1․ Արայիկ Հարությունյան – 36076 քվե (49.26 տոկոս)

2․ Մասիս Մայիլյան – 19360 քվե (26.4)

3․ Վիտալի Բալասանյան – 10755 քվե  (14.7 տոկոս)

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սա քաղաքական առեւտուր չէ․ Արայիկ Հարությունյանը Մասիս Մայիլյանին նշանակեց Արցախի ԱԳ նախարար
Ես երկար եմ մտածել այդ ուղղությամբ...
«Ժողովուրդ». Սամվել Բաբայանի նշանակումը՝ սառը ցնցուղ. ինչ է կատարվում Արցախում
Նրանք երաշխիքներ են պահանջում Արայիկ Հարությունյանից...
«Հրապարակ». Բոլորը խռովել են . Արայիկ Հարությունյանի երդմնակալությանը չեն կանչել նաեւ Սերժ Սարգսյանին, կաթողիկոսին
Արայիկ Հարությունյանի երդմնակալությունից հետո խրախճանքին մասնակցած բոլոր արցախցի հյուրերին պլանավորում են թեստավորել...
«Հրապարակ». «Նեղ» կազմով ինաուգուրացիա՝ Արցախում. Ովքե՞ր են ներկա լինելու Հայաստանից
Էս օրերին մեզանից շատ մարդիկ են նեղանում, ովքեր նախորդ ինաուգուրացիաներին ի պաշտոնե մասնակցել են...
«Հրապարակ». Սամվել Բաբայանն ու իր թիմակիցները պաշտոններ կստանան. Լյովա Մնացականյանն ուղիներ է որոնում, որ մնա
Բայց նրան փոխարինողի անունն են արդեն քննարկում՝ նրա տեղակալ Աշոտ Հակոբջանյանի...
«Փաստ». Արդյո՞ք Սամվել Բաբայանը պաշտոն կստանա
Մինչ այդ ակտիվորեն քննարկվում է տարբեր պաշտոններում հնարավոր փոփոխությունների թեման՝ շրջանառելով նաեւ...
Ամենաշատ