Ճապոնիայի կառավարությունը, կորոնավիրուսի համավարակի հետ կապված, ընդլայնում է երկիր այն անձանց մուտքի արգելքը, որոնք Ճապոնիայի քաղաքացիներ չեն հանդիսանում, դա վերաբերում է 73 երկրների։ Այս մասին հայտարարել է Ճապոնիայի վարչապետ Սինձո Աբեն, հայտնում է Reuters-ը։
Նրա խոսքերով՝ երկրների թիվը ավելացել է 49-ով, ներառյալ ԱՄՆ-ը, Չինաստանը եւ Հարավային Կորեան։ Աբեն նաեւ ասել է, թե երկիր բոլոր ժամանողներին, այդ թվում Ճապոնիայի քաղաքացիներին, կառաջարկվի կամավոր երկշաբաթյա կարանտին անցնել։ Միջոցառումներն ուժի մեջ կմտնեն ուրբաթ օրվանից։
Նա նշել է, որ խնդրել է ավիաընկերություններին կրճատել միջազգային չվերթների քանակը։
