News
Լրահոս
News
Երեքշաբթի
Հունիս 02
USD
483.02
EUR
536.78
RUB
6.92
ME-USD
0.03
Տեսնել լրահոսը

Հանրապետության նախագահ Արմեն Սարգսյանը, մարտի 22-ին Իսրայելի Պետության նախագահ Ռեուվեն Ռիվլինի հետ հեռախոսազրույցի ընթացքում ձեռք բերված պայմանավորվածության համաձայն, հեռախոսազրույց է ունեցել Իսրայելի առողջապահության նախարարության միջազգային հարաբերությունների վարչության տնօրեն, COVID 19 հարցերով Իսրայելի համակարգող, դոկտոր Աշեր Շալմոնի հետ։

Դոկտոր Շալմոնը մանրամասն ներկայացրել է կորոնավիրուսի համավարակի հաղթահարման ուղղությամբ Իսրայելում ձեռնարկված քայլերը։

Զրույցի ընթացքում քննարկվել է Իսրայելի կողմից Հայաստանին հնարավոր օգնության ցուցաբերման հարցը, հստակեցվել են Հայաստանի կարիքները։

Նախագահ Սարգսյանը եւ դոկտոր Շալմոնը պայմանավորվել են, որ առաջիկա օրերին Հայաստանի եւ Իսրայելի մասնագետների միջեւ կկազմակերպվի տեսաժողով՝ հետագա համագործակցության կոնկրետ ուղղությունների հստակեցման եւ գործնական քայլերի ձեռնարկման նպատակով։

Հեռախոսազրույցի ընթացքում նախագահ Սարգսյանն անդրադարձել է նաեւ Հայաստանում բժշկական ինժեներիայի զարգացման ուղղությամբ իրականացվող քայլերին եւ այս ոլորտում Իսրայելի հետ հնարավոր համագործակցությանը։ Իսրայելն ունի ժամանակակից բժշկություն եւ զարգացած առողջապահական համակարգ, որը ուսանելի կարող է լինել Հայաստանի համար:

Օրեր առաջ Հայաստանի եւ Իսրայելի նախագահների հեռախոսազրույցից հետո նախագահ Սարգսյանի նախաձեռնությամբ զրույց էր տեղի ունեցել նաեւ ՀՀ առողջապահության նախարար Արսեն Թորոսյանի եւ COVID 19 հարցերով Իսրայելի համակարգող, դոկտոր Աշեր Շալմոնի միջեւ: Նրանք ներկայացրել էին կորոնավիրուսի դեմ պայքարի՝ երկու երկրների փորձը եւ պայմանավորվել շարունակել մասնագիտական շփումները: Կորոնավիրուսի դեմ պայքարի Իսրայելի փորձը կարող է օգտակար լինել Հայաստանի համար:

!
Այս նյութը հասանելի է նաև   English
Տպել
Կարդացեք նաև
Ամբողջը
Emirates ավիաընկերությանը մինչեւ 4 տարի կպահանջվի՝ աշխատանքները վերականգնելու համար
Պարետի որոշմամբ՝ ժամանակավորապես կասեցվել է մի շարք տնտեսվարողների գործունեությունը
Հիմք ընդունելով 2020 թվականի մայիսի 31-ին իրականացված մշտադիտարկումների արդյունքում կազմված արձանագրությունները...
Իտալիայում հայտարարել են, որ կորոնավիրուսն արդեն մահվան մեծ սպառնալիք չի ներկայացնում
Մարտից սկսած կորոնավիրուսի կանխարգելման՝ իշխանության քայլերն անարդյունավետ և ուշացած են եղել. փաստահավաք խումբ
2020 թվականի մարտ ամսին անցկացվել է 3154 թեստավորում...
Կորոնավիրուսի դեմ հաղթանակի մասին հայտարարել դեռ վաղ է, սակայն ամենավատն անցել է․ Լիբանան
Վեց միլիոն բնակչությամբ երկրում արձանագրվել է վարակման զարմանալիորեն ցածր թիվ․․․
Վրաստանը չի կարող բացել սահմանը Հայաստանից զբոսաշրջիկների համար․ Ամիրան Գամկրելիձե
«Առաջին հերթին զբոսաշրջիկները կլինեն «կանաչ» երկրներից։ Զբոսաշրջության վարչությունը աշխատում է այդ ուղղությամբ․․․
Ամենաշատ