News
Լրահոս
News
Հինգշաբթի
Հուլիս 29
Տեսնել լրահոսը

ՀՀ նախագահ Արմեն Սարգսյանը նախաձեռնել է հեռավար զրույցների շարք Հանրապետության մշակութային, գիտակրթական եւ ակադեմիական հաստատությունների եւ կառույցների ղեկավարների, մշակույթի գործիչների հետ։ Նախագահը նպատակ ունի քաջալերել նրանց, ծանոթանալ արտակարգ դրության պայմաններում նրանց գործունեությանն ու ապագա ծրագրերին:

Այդ համատեքստում Հանրապետության նախագահ Արմեն Սարգսյանն այսօր հեռախոսազրույց է ունեցել Ճարտարապետության ազգային թանգարան-ինստիտուտի տնօրեն Մարկ Գրիգորյան հետ:

Նախագահ Սարգսյանը հետաքրքրվել է թանգարանի վիճակով, ընթացիկ եւ ապագային միտված ծրագրերով: Ընդգծելով հայ ճարտարապետության յուրահատուկ տեղը համաշխարհային ճարտարապետական արվեստի մեջ՝ նախագահ Սարգսյանը կարեւորել է թանգարանի դերը նրա լավագույն ավանդույթները ներկայացնելու գործում: Նա խոստացել է նոր կորոնավիրուսի տարածմամբ եւ արտակարգ դրությամբ պայմանավորված իրավիճակի կարգավորումից հետո այցելել թանգարան:

Ճարտարապետության ազգային թանգարան-ինստիտուտը յուրահատուկ մշակութային ու գիտահետազոտական հաստատություն է, որտեղ պահպանվում են լավագույն ճարտարապետների արխիվային նյութերն, անցկացվում են գիտաժողովներ, մասնագիտական քննարկումներ, մրցույթներ, ցուցահանդեսներ, հրատարակվում են գիտական ժողովածուներ։

***

Նախագահ Արմեն Սարգսյանը հեռախոսազրույց է ունեցել նաեւ Հայաստանի պետական ֆիլհարմոնիկ նվագախմբի գեղարվեստական ղեկավար եւ գլխավոր դիրիժոր Էդուարդ Թոփչյանի հետ։

Նախագահը հետաքրքրվել է արտակարգ դրության պայմաններում նվագախմբի գործունեությամբ եւ մինչ այդ նախատեսված ծրագրերի ճակատագրով։

Թոփչյանը տեղեկացրել է, որ նվագախմբի բոլոր ծրագրերն, ինչպես ամբողջ աշխարհում, հետաձգված են, եւ առայժմ երաժշտասեր հասարակության հետ շփումը իրականացվում է առցանց եղանակով։

Կարեւորելով կապի պահպանումն ունկնդրի հետ՝ նախագահ Սարգսյանը հույս է հայտնել, որ նախատեսված ծրագրերն իրավիճակի կարգավորումից հետո անպայման կյանքի կկոչվեն, նշելով, որ հնարավոր է նաեւ համատեղ ծրագրեր իրականացվեն նախագահի աշխատակազմի հետ։

!
Այս նյութը հասանելի է նաև   English
Տպել
Կարդացեք նաև
Ամբողջը
Թաիլանդը մայրաքաղաքային օդանավակայանը ստվարաթղթե մահճակալներով հիվանդանոցի է վերածել
Որոշումը կայացվել է կորոնավիրուսով վարակման դեպքերի թվի, ինչպես նաեւ մահացությունների թվի ռեկորդային աճի պատճառով...
Վրաստանի տուրիզմի ասոցիացիա. Եվրոպացիները զանգվածաբար հետաձգում կամ չեղարկում են իրենց ամրագրումները
Նրա խոսքով՝ այդ վակուումը մասամբ լրացնում են Ուզբեկստանից, Ղազախստանից եւ Բելառուսից զբոսաշրջիկները:
Ռուսաստանում մեկ օրում հայտնաբերվել է կորոնավիրուսով վարակման 23 270 դեպք
Վերջին մեկ օրում կորոնավիրուսից մահացել է 799 մարդ...
Twitter-ը փակել է կենտրոնակայանը «դելտա» շտամի տարածման պատճառով
Twitter-ը ժամանակավորապես փակում է Սան Ֆրանցիսկոյի եւ Նյու Յորքի կենտրոնակայանը «դելտա» շտամի պատճառով...
Հայաստանը մոտ 3,46 մլրդ դրամի Sinopharm եւ Pfizer պատվաստանյութեր ձեռք կբերի․ Անահիտ Ավանեսյան
Կառավարությունն իր այսօրվա՝ հուլիսի 29-ի նիստում փոփոխություններ կատարեց «Հայաստանի Հանրապետության 2021 թվականի պետական բյուջեի մասին» օրենքում...
Ակտիվությունը պատվաստումների նկատմամբ անընդհատ աճում է. նաև սահմանափակումների փաթեթ ենք պատրաստում. Ավանեսյան
Ներկայումս դելտա շտամի պարագայում, քանի որ տարածելիությունը բավական բարձր է, ԱՀԿ-ն խորհուրդ է տալիս երկրներին պատվաստման ցուցանիշը բարձրացնել 75 տոկոսից ավել...
Ամենաշատ