Գերմանիայի նախագահ Ֆրանկ Վալտեր Շտայնմայերը, ինչպես նաեւ Հորդանանի, Եթովպիայի, Սինգապուրի եւ Էկվադորի առաջնորդները կորոնավիրուսի դեմ գլոբալ դաշինք ստեղծելու կոչ են արել, գրում է Financial Times-ը:
«Այդ վիրուսի առաջ մենք բոլորս հավասար ենք, եւ մենք պետք է միասին աշխատենք, որպեսզի հաղթենք դրան: Այդ պանդեմիան չի խնայում ոչ մի երկրի, որքան էլ որ այդ երկիրը տնտեսապես եւ տեխնոլոգիապես զարգացած լինի»,- ասվում է համատեղ հայտարարության մեջ:
Ա հոդվածում:
«Այդ հիվանդության բուժման արդյունավետ մեթոդը եւ պատվաստանյութի հասանելիությունը պետք է գլոբալ մատչելիություն ունենա: Նման ճգնաժամները ցույց են տալիս մարդկանց լավ եւ վատ կողմերը»,- նշել են Գերմանիայի նախագահ Ֆրանկ Վալտեր Շտայնմայերը, Հորդանանի թագավոր Աբդալլահ II-ը, Եթովպիայի նախագահ Սահլե-Վորկ Զեվդեն, Սինգապուրի նախագահ Հալիմա Յակոբը եւ Էկվադորի նախագահ Լենին Մորենոն:
Ապրիլի 1-ի դրությամբ աշխարհում կորոնավիրուսով վարակվել է 858 785 մարդ, մահացել է 42 1151-ը:
