Այսօր Անտարկտիդան սառցե անապատի տեսք ունի, սակայն 90 միլիոն տարի առաջ ամեն ինչ այլ կերպ է եղել: Ուսումնասիրելով տեղումների շերտերը, որոնք թաքնված են անտարկտիկական սառույցների տակ, գիտնականները հայտնաբերել են սպորներ, որոնք ցույց են տալիս, որ հնագույն ժամանակներում Անտարկտիդայում տրոպիկական անտառներ են եղել, հաղորդում է Planet- today-ը:
Տրոպիկական անտառների հետքերը հայտնաբերվել են Փայն-Այլենդում, որը գտնվում է Հարավային բեւեռից 750 կմ հեռավորության վրա: 25 մետր խորության վրա պահպանվել է բուսական քարացածություն, որը շատ բան կարող է պատմել Անտարկտիդայում տրոպիկական անտառների գոյության մասին:
Հայտնաբերված բուսական քարացածությւնը ցույց է տալիս, որ ինչ-որ ժամանակ այդտեղ եղել է զարգացած ճահճային էկոհամակարգ: Նման էկոհամակարգեր այսօր կան Նոր Զելանդիայի տրոպիկական անտառներում:
