News
Լրահոս
News
Կիրակի
Հունվար 24
USD
518.44
EUR
631.1
RUB
6.95
ME-USD
0.01
Տեսնել լրահոսը

Կառավարությունն իր այսօրվա՝ ապրիլի 2-ի նիստում որոշում կայացրեց, որով հնարավորություն տվեց զինված ուժերի սննդի պատրաստման  եւ մատուցման ծառայություն ապահովող կազմակերպությունների հետ գնման գործընթացն իրականացնել կանխվճար տրամադրելու միջոցով՝ այդ կազմակերպություների կողմից բանկային երաշխիք ներկայացնելու դեպքում:

Հարցը ներկայացրել պաշտպանության նախարար Դավիթ Տոնոյանը՝ նշելով. «Կանխավճարի մարումն իրականացվելու է ծառայություններիմատուցման հանձնման-ընդունման արձանագրությունների հիման վրա կատարվելիք վճարումներից 10%-ի չափով նվազեցնելու միջոցով:

Որոշման ընդունումը պայմանավորված է սննդի մատուցման պայմանագրերով նախատեսված եւ կազմակերպությունների կողմից ծառայությունների ապահովման նպատակով այլ ծախսերի կատարման պատճառով կազմակերպությունների մոտ առկա ֆինանսական բնույթի, ինչպես նաեւ կորոնավիրուսի համաճարակից բխող սահմանափակումների հետ կապված դժվարությունները հաղթահարելու հանգամանքով»,-ասաց նախարարը:

Նա հավելեց, որ այդ կազմակերխպությունների առջեւ պայման է դրվել՝ որոշ սննդամթերքների պահուստներ ստեղծել:

Վարչապետ Նիկոլ Փաշինյանը, խոսելով նախագծի մասին, կարեւորեց Զինված ուժերում զինվորների սննդի ապահովման նոր համակարգի ներդրումը, ինչը, նրա խոսքով, տեղավորվում է իրենց քաղաքական պարտավորության տրամաբանության մեջ: Վարչապետի խոսքով՝ ծնողը տղային բանակ ուղարկելուց հետո չպետք է ստիպված լինի հոգ տանել, որ որակյալ սնունդ ուղարկի նրան:

«Այն զորամասերում, որտեղ այդ համակարգը ներդրված է, սննդի որակի էական անգամներով փոփոխություն ունենք: Բայց ես ուզում եմ ասել, որ երբ սկզբնական շրջանում այս նախագծի ներդրման նպատակահարմությունն էինք քննարկում, բոլորս գիտեինք, որ մտնում ենք մութ անտառ, որտեղ շատ պարամետրեր ի սկզբանե հայտնի չեն, կանխատեսելի չեն: Մենք ըստ էության պետք է զրոյից ստեղծեինք գոյություն չունեցող համակարգ»,- ասաց նա:

Նիկոլ Փաշինյանը տեղեկացրեց, որ վերջին ամսվա ընթացքում չորս քննարկում են ունեցել, որոնք բովանդակալից են եւ շատ հարցեր են երեւան բերում ու լուծում:

«Այս ամենի նպատակը՝ մեկն է, զինվորին ապահովել հնարավորինս բարձրորակ սննդով եւ քանի որ ընկերությունները այս ընթացքում ներդրումներ են արել եւ դրանք չեն փոխհատուցվել, ոչ մի կոպեկ փող չենք տվել, բայց կան նրբություններ, որ պետք է պարզաբանվեն. մենք քննարկումների արդյունքում որոշեցինք, որ որոշակի կանխավճար տրվի արդեն իսկ սեփական միջոցների հաշվին կատարված ներդրումների որոշակի մասի համար»,- ասաց նա եւ նշեց, որ այս նախագիծը բազմակողմանի քննարկումների արդյունք է:

Պաշտպանության նախարար Դավիթ Տոնոյանը նշեց, որ կորոնավիրուսային իրավիճակը 5-6 այսպիսի կազմակերպության համար ծանր պայմաններ է ստեղծել է իրենց գործունեության հետ կապված:

Մախագծով առաջարկվում է Պայմանագրերով սահմանված սննդի պատրաստման եւ մատուցման ծառայության բաղադրիչի (մեկ զինծառայողի մեկ օրվա 3000 դրամ վճարման ենթակա) մասով կանխավճարի հատկացում:

Կանխավճարը կարող է տրամադրվել հաշվի առնելով Կազմակերպությունների առաջարկը՝ պարտադիր պայման սահմանելով կանխավճարի ապահովման բանկային երաշխիքի ներկայացումը: Կանխավճարի մարումը նախատեսվում է իրականացնել ծառայությունների մատուցման հանձնման-ընդունման արձանագրությունների հիման վրա կատարվելիք վճարումներից՝ 10%-ի չափով նվազեցնելու միջոցով:

Տպել
Կարդացեք նաև
Ամբողջը
Այսօր զոհվածի այրու զանգեցի, ասաց՝ ես մի տաք հագուստ չունեմ, որ գամ «Եռաբլուր»․ ազատամարտիկի այրի
Ամեն տարի այցելում ենք մեր հարգանքի տուրքը մատուցելու․․․
Պահեստազորայիններն ու կամավորականները խրախուսվել են պատվոգրերով
Զորամասի հրամանատարը շնորհակալություն է հայտնել ռազմական գործողությունների մասնակիցներին...
Մեր տղաներն իրենց կյանքի գնով տվեցին ազատություն, որ ծնվեր Նիկոլի Աշոտիկը․ զոհված զինծառայողի այրի
Երեք ամսում Նիկոլ Փաշինյանը ոչ մի անգամ «Եռաբլուր» չգնաց, ոչ զոհվածի ծնողի ձեռք չսեղմեց, բայց այժմ հիշել է, որ կարող է գնալ «Եռաբլուր»...
Ես հիմա էլ ունեմ բանակի հետ կապված շատ մտահոգություններ, դրա համար եմ այստեղ. Վահան Քերոբյան
Որովհետեւ ես ուզում եմ ծառայել իմ ազգին: Ես Նիկոլ Փաշինյանին միշտ էլ հավատացել եմ...
Հենց հիմա մեր զինվորները զորանոցներ չունեն, արագ պետք է վրանային զորանոցներ հիմնել. դա թանկ հաճույք չի. Մարուքյան
Զինվորների ծնողները անորոշությունից ուղղակի գժվում են, չգիտեն ինչ անեն, հետեւաբար պետք է ավելի պրակտիվ լինել այս հարցում…
Երեխես ասում է՝ մամ, մեզ բոլորը մոռացե՞լ են, դուք ձեր կյանքո՞վ եք ապրում ․ ժամկետային զինծառայողի մայր
Բոլոր զինվորները հազում են, ու ոչ մի երաշխիք չկա, որ առողջական ավելի վատ վիճակում չեն հայտնվի...
Ամենաշատ