Որոշվել է կորոնավիրուսի տարածման սպառնալիքի պատճառով Գրանդ Կանյոն ազգային արգելոցը (Արիզոնա նահանգ) այցելությունների համար ամբողջությամբ փակել: Համապատասխան հայտարարությունը հրապարակվել է ԱՄՆ Ազգային արգելոցների վարչության կայքում:
Ըստ փաստաթղթի՝ մինչեւ հետագա կարգադրությունները, արգելոցն անհապաղ փակելու որոշումն ընդունվել է այն բանից հետո, երբ տեղական իշխանությունները համապատասխան հարցում են ուղարկել ԱՄՆ Ազգային արգելոցների վարչություն: «Գրանդ Կանյոն արգելոցի այցելուների, աշխատակիցների, կամավորների, բնակիչների եւ գործընկերների առողջությունն ու անվտանգությունը Վարչության առաջնահերթությունների ցանկում առաջին տեղում են»,- նշված է հայտարարության մեջ:
Դրանից բացի, ապրիլի 1-ից դադարեցվել է այցելուների ընդունումը Կալիֆոռնիա նահանգի Ջոշուա Թրի ազգային արգելոց: Այնտեղ աշխատանքը շարունակում են միայն անվտանգության ծառայության աշխատակիցները:
