News
Լրահոս
News
Երկուշաբթի
Հունիս 14
Տեսնել լրահոսը

Yerevan.today-ը գրում է. «Այսօր՝ ապրիլի 2-ին, կորոնավիրուս է հայտնաբերվել «Վարդաշեն» ՔԿՀ-ի 4 աշխատակցի մոտ։ Աշխարհի շատ երկրներ կալանավայրերում վիրուսի տարածումը կանխելու համար որդեգրել են մի շարք միջոցառումներ։ Yerevan.Today-ի հետ զրույցում փաստաբան Հայկ Ալումյանը նշեց, որ վերջին օրերին ՀՀ-ում ևս կորոնավիրուսին հղում անելով կալանավորների են բաց թողնել։  «Սկսել են գրավ կիրառել այն դեպքում, երբ ուրիշ դեպքում հազիվ կիրառեին։ Առնվազն 4 դեպք գիտեմ վերջին օրերին»,- ասաց Ալումյանը։

Փաստաբանը մտահոգություն հայտնեց, որ Հայաստանում անազատության մեջ գտնվողները պաշտպանված չեն։ «Մի այսպիսի միտք գցվեց շրջանառության մեջ, իբրև թե ամենապաշտպանվածները հենց ՔԿՀ-ում պահվող կալանավորներն են, բայց այդ միտքը շրջանառության մեջ գցեցին մադիկ, ովքեր պատկերացում չունեն, թե այնտեղ ոնց է այդ ամենը տեղի ունենում։ Իրականում ամենաանպաշտպանն են իրենք։ Անիրազեկ մարդու առաջին տպավորությունն այն է, որ  իրենց այնտեղ փակել են, հետևաբար կորոնավիրուսը չի կարող գնալ-մտնել այնտեղ։ Բայց մարդիկ, ովքեր մի քիչ պատկերացում ունեն, իրենք գիտեն, որ կալանավորները խցում կարող են մի քանի հոգի լինել։ Նրանցից յուրաքանչյուրը ժամանակ առ ժամանակ հանդիպում է իր պաշտպանի հետ, նրանցից յուրաքանչյուրն այսպես թե այնպես շփվում է քրեակատարողական ծառայողների հետ, իրենց ճաշ են բերում, երբ որ հանձնունքները թույլատրված չէ, որոշակի իրեր են բերում։ Իրենք որոշակի մակերեսների են դիպչում, որին, օրինակ, դիպչել է ՔԿՀ աշխատակից, և եթե խցում գոնե մեկը դարձավ վարակակիր, հնարավոր չէ դրանցից մեկն ու մեկը խուսափի»։

Հարցին՝ ի՞նչ քայլեր պետք է անի այս դեպքում պետությունը, փաստաբան Ալումյանը նշեց, որ համակարգում պետք է բոլորին տոտալ ստուգել՝ ՔԿՀ աշխատակիցներին, կալանավորներին, անմիջապես վարակակիրներին ոչ վարակակիրներից անջատել․ «Եթե այնտեղ սկսվեց, իսկ ես վախենում եմ, որ դա շատ հեռու չէ, այնտեղ կատաստրոֆիկ արագությամբ է տարածվելու ու շատ ծանր հետևանքներ է ունենալու։ Մոտավորապես մեկ շաբաթ առաջ դիմել էինք մի գործի շրջանակներում, թե քանի հոգու են թեստավորել համակարգից, և պատասխանեցին ընդամենը 8 կալանավորված կամ դատապարտված և երեք աշխատակցի են թեստավորել ամբողջ համակարգից։ Բոլորին անգամ ամեն հերթափոխ մտնելիս պետք է ստուգել»։

Ալումյանը, որը նաև Երկրորդ նախագահ Ռոբերտ Քոչարյանի փաստաբանական թիմի անդամ է, անդրադանալով նրա անազատության մեջ գտնվելուն նշեց․ «ՔԿՀ-ում կա առնվազն մեկ կալանավոր, որն անազատության մեջ է պահվում կոնկերտ վարչապետի հրամանով, առանց որևէ հիմքի և խախտելով օրինական բոլոր ընթացակարգերը։ Երբ մենք խոսում ենք մնացած բոլոր կալանավորների մասին, ես մտածում եմ՝ իշխանությունները կուզեն՝ նրանք չվարակվեն, կուզեն կանխել, բայց Երկրորդ նախագահի դեպքում, կարծում եմ, որ հնարավոր է գտնվեն մարդիկ, ովքեր հակառակը կուզեն»։

Տպել
Կարդացեք նաև
Ամբողջը
Հնդկական գյուղերի բնակիչները տաճար են կանգնեցրել «կորոնավիրուսի աստվածուհուն»
Հյուսիսային Ուտար Պրադեշ նահանգի Շուկլապուր գյուղի հավատացյալները աղոթքներ, սուրբ ջուր եւ ծաղիկներ են մատուցում տաճարում, որտեղ կանգնեցված է իրենց կուռքի՝ Corona Mata-ի արձանը…
Բրազիլիայի նախագահը կրկին տուգանվել է դիմակ չկրելու համար
Բոլսոնարոն կարծում է, որ նրանք, ովքեր լիովին պատվաստված են, չպետք է դիմակ կրեն: «Նրանք, ովքեր դեմ են այս առաջարկին, չեն հավատում գիտությանը, քանի որ պատվաստվելու դեպքում վարակը չի կարող փոխանցվել», - ասել է նախագահը…
Մեծ Բրիտանիան «փոխել է գլոբալ պատվաստումների թվատախտակը» G7-ում
Մեծ Բրիտանիայի ԱԳ նախարարը հայտարարել է, որ Ջոնսոնը 18 ամսով երկարաձգել է ամբողջ աշխարհում պատվաստումներն անցկացնելու ծրագրերը...
ԱՀԿ ղեկավարը չի բացառել կորոնավիրուսի լաբորատոր ծագման վարկածը
Կարծում եմ՝ մարդիկ արժանի են իմանալու, թե որտեղից է առաջացել վարակը…
Հայաստանում գրանցվել է կորոնավիրուսով վարակման 39 նոր դեպք. մահացել է 3 քաղաքացի
Կորոնավիրուսային հիվանդությամբ այս պահին փաստացի բուժում է ստանում 2909 պացիենտ…
Չինաստանում չղջիկների մոտ նոր կորոնավիրուսներ են հայտնաբերվել
Գիտնականները հայտնաբերել են կորոնավիրուսի 24 գենոմ․․․
Ամենաշատ