News
Լրահոս
News
Երեքշաբթի
Հունիս 02
USD
483.02
EUR
536.78
RUB
6.92
ME-USD
0.03
Տեսնել լրահոսը

Ես հուսով եմ, որ ընտրական գործընթացը չի վնասել մեր քաղաքացիների առողջությանը եւ հիմա էլ եմ կոչ անում իշխանություններին ձեռնարկել անհրաժեշտ բոլոր քայլերը՝ ժողովրդի առողջապահական անվտանգության ապահովման համար։ Այս մասին այսօր՝ ապրիլի 2–ին, ֆեյսբուքյան իր էջում գրել է գեներալ Վիտալի Բալասնայնաը։ Նա մասնավորապես նշել է.

«Հարգելի՛ արցախցիներ։ Արցախի իշխանություններն ընդառաջ չգնալով մեր կոչերին և անտեսելով կորոնավիրուսի տարածման հնարավոր վտանգների մասին մեր զգուշացումները՝ չհետաձգեցին ընտրությունները։ Այս հարցում, թերևս, կար նաև կողմնակի շահագրգռվածություն։ Եթե հանկարծ հետագայում պարզվի, որ խնդիրներ են եղել ու դրանց վրա, քաղաքական նպատակահարմարությունից ելնելով, ուշադրություն չի դարձվել, ապա բոլոր մեղավորները պետք է իրավական ու քաղաքական պատասխանատվություն կրեն դրա համար։ Թե որքանով համաճարակի հնարավոր տարածման ֆոնն ազդեց ընտրությունների որակի և ընտրողի վարքագծի վրա, արդեն էական չէ։ Էականն այն է, որ քաղաքական հաշվարկն ավելի կարևորվեց թե՛ Երևանի, թե՛ Ստեփանակերտի պաշտոնական կաբինետներում։ Սա արժե արձանագրել պատմության համար։

Ես հուսով եմ, որ ընտրական գործընթացը չի վնասել մեր քաղաքացիների առողջությանը։ Հիմա էլ եմ կոչ անում իշխանություններին ձեռնարկել անհրաժեշտ բոլոր քայլերը՝ ժողովրդի առողջապահական անվտանգության ապահովման համար։

Ինչ վերաբերում է ընտրությունների արդյունքներին, ապա ես որպես նախագահի թեկնածու և «Արդարություն» կուսակցությունը շնորհակալություն ենք հայտնում բոլոր այն մարդկանց, ովքեր չտրվեցին փողի գայթակղությանը, անտեսեցին վարչական ռեսուրսի կիրառումը, ինչպես նաև չընկան արկածախնդրության և դրսից հրահրվող կասկածելի գործընթացների հորձանուտի մեջ՝ քվեարկելով հանուն անվտանգության և արդարության ապահովման։

Ես կարևորում եմ ինձ և «Արդարություն» կուսակցությանը տված ամեն մի քվեի ուժն ու արժեքը։ Մեր ստացած հազարավոր ձայները պարտավորեցնող են։ Մենք ընտրություններին մասնակցում էինք «Հաղթանակը չի՛ վաճառվում» կարգախոսով։ Ես և իմ թիմը, սիրելի՛ արցախցիներ, հավաստիացնում ենք ձեզ, որ ձեր տված քվեին մենք տեր ենք կանգնելու և՛ որպես խորհրդարանական խմբակցություն, և՛ որպես քաղաքական դաշտում իր զգալի տեղն ունեցող քաղաքական ուժ։ Նախագահական ընտրությունների երկրորդ փուլին մենք չենք պաշտպանի թեկնածուներից որևէ մեկին, քանզի նրանց հետ գաղափարական տարաձայնություններն ու տեսակային տարբերություններն ակնհայտ են։ Իմ անցած ուղին և մեզ քվե վստահած ընտրողի պատգամն այլ բան չեն էլ ենթադրում։ Մենք կոչ ենք անում կողմերին հանուն իշխանության մղվող պայքարը ստորադասել Արցախի անվտանգությանը և զերծ մնալ ցնցումներից, ապակայունացումից։ Պաշտոնն անցողիկ է, իսկ մեր երկրի շահը՝ մնայուն։ Աստված պահապան բոլորիս»։

Տպել
Կարդացեք նաև
Ամբողջը
«Հրապարակ». Հայաստանում այս պահին կա ընդամենը 7 հազար հատ թեստ
Մինչեւ վերջանալը կսկսվի թեստերի տեղական արտադրությունը...
«Իրավունք». «Վատառողջ եմ, այո». Գեւորգ Կոստանյան
Կորոնավիրուսը շարունակում է իշխել աշխարհում` չճանաչելով աղքատ ես, թե՝ հարուստ, վարչապե՞տ ես, թե՞ նախկին գլխավոր դատախազ...
«Հրապարակ». Արսեն Թորոսյանն ուզում է իր ազդեցության դաշտը մեծացնել
Թորոսյանն իր պահանջը պատճառաբանում է նրանով, որ...
«Հրապարակ». Փաշինյանի ընտանիքում անհանգիստ են հոր՝ 80-ամյա Վովա Փաշինյանի համար, ով այժմ բնակվում է կառավարական տանը
Իշխանական թիմը թեստավորվել է…
Emirates ավիաընկերությանը մինչեւ 4 տարի կպահանջվի՝ աշխատանքները վերականգնելու համար
Պարետի որոշմամբ՝ ժամանակավորապես կասեցվել է մի շարք տնտեսվարողների գործունեությունը
Հիմք ընդունելով 2020 թվականի մայիսի 31-ին իրականացված մշտադիտարկումների արդյունքում կազմված արձանագրությունները...
Ամենաշատ