ԱՄՆ-ը հակաօդային պաշտպանության համակարգեր է ուղարկել Իրաք՝ վերջին շաբաթներին ամերիկյան եւ կոալիցիոն ուժերի վրա հարձակումներից հետո։

Խոսքը «երկիր-օդ» տեսակի «Պատրիոտ» հրթիռների մասին է, ինչպես նաեւ՝ SeaRam եւ CIWIS համակարգերի, հայտնում է Fox News-ը՝ հղում կատարելով ՊՆ ներկայացուցչին։

Նախօրեին ԱՄՆ նախագահ Դոնալդ Թրամփը հայտարարել էր, որ Իրանը «կամ նրա վստահված անձինք» «թաքնված գրոհ» են նախապատրաստում Իրաքում ամերիկյան զինծառայողների վրա։Նա սպառնացել էր Թեհրանին, որ «բարձ գին» կվճարի հարձակման դեպքում։