News
Լրահոս
News
Երկուշաբթի
Մայիս 25
USD
482.24
EUR
525.21
RUB
6.71
ME-USD
0.03
Տեսնել լրահոսը

Արտակարգ դրության պայմաններում պարետատունը, նախօրոք սահմանելով խաղի կանոններ և խոստանալով պատասխանել առցանց եղանակով լրատվամիջոցների ուղարկած հարցերին, արդեն երկրորդ անգամ չի պատասխանել antifake.am կայքի ուղարկած հարցերին: Այս մասին  «Պարետատունը անտեսում է լրատվամիջոցների բարձրացրած հարցերը՝ լրատվամիջոցներին բաժանելով յուրայինների և օտարների» խորագրով ֆեյսբուքյան գրառման մեջ նշում է «Մեդիա պաշտպան» նախաձեռնությունը։

«Նույն կայքի՝ ուշադրություն գրավելու և հարցերը հնչեցնելու բազմաթիվ փորձերն անտեսվել են պարետատան միասնական տեղեկատվական հարթակի կողմից: Նույն խնդրին են առնչվել բազմաթիվ այլ լրատվամիջոցներ», գրում է «Մեդիա պաշտպանը»:

Նախաձեռնությունն ահազանգում է, որ պարետատունը շարունակում է յուրայինների և օտարների բաժանել լրատվամիջոցներին՝ անտեսելով լրատվամիջոցների բարձրացրած բազմաթիվ հարցերը․

«Հաշվի առնելով այն հանգամանքը, որ յուրաքանչյուր լրատվամիջոց ունի իր լսարանը և բարձրաձայնում է հարցեր, որոնք արտակարգ դրության պայմաններում խիստ կարևոր են իր լսարանի համար՝ ստացվում է, որ պարետատունը չի բարեհաճում հարգել իր իսկ սահմանած խաղի կանոնները և միասնական տեղեկատվական հարթակի միջոցով պատասխանել այն լրատվամիջոցների հարցերին, որոնք իշխանության քիմքին հաճո չեն»:

«Մեդիա պաշտպան» նախաձեռնությունն ահազանգում է, որ «լրատվամիջոցների հետ հարաբերություններում պարետատան կողմից կիրառվող երկակի ստանդարտները զրոյի են հասցնում պարետատան տեղեկատվական քաղաքականության արդյունավետությունը, քանի որ, մամուլի ասուլիսների ընթացքում պատասխանելով միայն իշխանությանը քմահաճո լրատվամիջոցների հարցերին, պարետատունն արտակարգ դրության պայմաններում օդում կախված է թողնում հասարակության շրջանում պտտվող բազմաթիվ կենսական հարցերի պատասխանները»:

«Մեդիա պաշտպան» նախաձեռնությունը կոչ է անում պարետատանը «վերանայել տեղեկատվական քաղաքականությունը և դադարեցնել լրատվամիջոցներին տեսակավորելու արատավոր պրակտիկան: Արտակարգ դրության պայմաններում պարետատունն ու պետական այլ պատկան մարմինները պարտավոր են գիտակցել, որ առողջապահական, սոցիալ-տնտեսական և հոգեբանական ծանրագույն պայմաններում հայտնված քաղաքացիների հետ արդյունավետ կերպով հարաբերվելու միակ դաշնակիցն ու բարեկամը լրատվամիջոցներն են, որոնց հետ պետք է ձևավորել կայուն գործընկերային և հարգալից հարաբերություններ՝ չտեսակավորելով և չպիտակավորելով որևէ մեկին»։

 

!
Այս նյութը հասանելի է նաև   English
Տպել
Կարդացեք նաև
Ամբողջը
Ֆրանսիացիներին խորհուրդ են տվել հրաժարվել արտերկրում հանգստից
Ակնկալվում է, որ հաջորդ շաբաթ Ֆրանսիայի կառավարությունը կքննարկի երկրի ներսում քաղաքացիների ուղեւորությունների կանոնները մեղմելու հնարավորությունը․․․
Ճապոնիան պատրաստվում է վերադարձնել զբոսաշրջիկներին՝ փոխհատուցելով ուղեգրերի արժեքը
Այդկերպ Ճապոնիան պատրաստվում է հետեւել մյուս երկրների օրինակին, որոնք ձգտում են այս ամառ խթանել զբոսաշրջությունը, որը բավականին տուժել է պանդեմիայի պատճառով․․․
Բրիտանիայի վարչապետը պաշտպանել է իր գլխավոր խորհրդականին, որին մեղադրել էին սահմանափակումները խախտելու մեջ
Բրիտանիայի վարչապետը պաշտպանել է իր խորհրդականին՝ ի պատասխան մի շարք խորհրդարանականների պահանջի Քամինգսին աշխատանքից հեռացնելու մասին սահմանափակումները խախտելու կապակցությամբ․․․
Ավստրիայի նախագահը խախտել է կարանտինը՝ մինչեւ ուշ երեկո ռեստորանում գտնվելով
Նրա խոսքով՝ ինքը «տարվել է խոսակցությամբ եւ չի նկատել, թե ինչպես է անցել ժամանակը»․․․
Աշխարհում ամենախորը հանքը փակվել է COVID-19-ով մասսայական վարակվելու պատճառով
Մեկ ամիս առաջ հանքում, ինչպես նաեւ երկրում ամենուր, վերականգնվել է գործունեությունը սահմանափակումները չեղարկելուց հետո, որոնք սահմանվել էին պանդեմիայի կապակցությամբ․․․
Հայաստանը 1 միլիոն բնակչի հաշվով կորոնավիրուսով վարակման նոր դեպքերի թվով 6-րդն է աշխարհում
Այս ցուցանիշը Հայաստանի դեպքում 126 է․․․