News
Լրահոս
News
Ուրբաթ
Մայիս 29
USD
483.91
EUR
533.66
RUB
6.83
ME-USD
0.03
Տեսնել լրահոսը

2016-ի ապրիլին Ադրբեջանի սանձազերծած ագրեսիայի հետեւանքով սկսված պատերազմի ընթացքում հայկական բանակը ունեցել է 75 զոհված։  «5-րդ ալիքի» տնօրեն Հարություն Հարությունյանի «Հաղթանակի ապրիլ» փաստավավերագրական ֆիլմում ասել են   ՀՀ երրորդ նախագահ Սերժ Սարգսյանն ու Արցախի ՊԲ նախկին հրամանատար Լևոն Մնացականյանը։

«Թող տպավորություն չստեղծվի, որ մեր 75 զոհերի կսկիծը նույնիսկ մինչև հիմա անցել է ինձ մոտ, ո՛չ, 75 երիտասարդ, յուրաքանչյուրն ամեն մի տան ճրագ… Բայց, ցավոք սրտի, հող պահելը, ռազմական գործողությունները երբեք չեն լինում առանց կորուստների»,– ասել է Սերժ Սարգսյանը։

Նախկին նախագահի խոսքով՝ սպաները, պայմանագրայինները զոհվածների թվում մեծամասնություն են կազմել, ինչը վկայում է, որ մեր սպաները մեր քաջարի զինվորների հետ հավասար կռվել են և փառքով են պսակել իրենց անունները։

«Գիտեք՝ բոլոր այդ հեքիաթները, թե սպաները լավ չեն կառավարել, ուղղակի տմարդի զրույցներ են, որ վարել են և հիմա էլ փորձում են վարել։ Զավեշտն այն է, որ մինչև հիմա որոշ լրատվամիջոցներ ու գործիչներ խոսում են մեր կողմից հարյուրավոր զոհերի մասին, չեմ հասկանում այդ մազոխիստական հակումները»,- ընդգծել է Սերժ Սարգսյանը։

Լևոն Մնացականյանի խոսքով՝ այդ 75 զոհից 9-ը երկարապահ կամավորական միության մեր ազատամարտիկներից են, 4-ը՝ մեր ուժեղացված զորամասերից, 60-ը եղել են Պաշտպանության բանակից, ժամկետային զինծառայողներ՝ 35 հոգի, սպաներ, ենթասպաներ՝ 17 հոգի և պայմանագրային զինծառայողներ՝ 8 հոգի։ Ապրիլի 2-5-ը ունեցել ենք ընդհանուր առմամբ 75 զոհ»,- ասել է Լեւոն Մնացականյանը։

Պաշտպանության նախկին նախարար Սեյրան Օհանյանի խոսքով՝ հայկական կողմի համար մեկ զոհն էլ շատ է։ «Բայց մենք այսօր պետք է հպարտանանք հերոսների սխրանքներով, որոնց հերոսության շնորհիվ կարողացել ենք մեր ազգի արժանապատվությունը բարձր պահել և կարողացել ենք ապացուցել, որ մեր մատաղ սերունդը մեր սերնդակիցների հերոսություններով, իսկ բանակի շրջանակներում հրամանատարական կազմի կողմից պատրաստության շնորհիվ, դաստիարակության, ոգու շնորհիվ կարողացել են իրենց առջև դրված խնդիրները կատարել»։

«Ադրբեջանցիները շատ լավ գիտակցում էին, որ աչքս չէր թարթելու՝ կատարելու այն, ինչ պարտավոր էի կատարել»,- ասել է Սերժ Սարգսյանը:

«Հարց է առաջանում՝ ինչո՞ւ մեր հեռահար միջոցները չօգտագործվեցին։  Պատասխանը շատ պարզ է․ այդ միջոցներն արդեն պատրաստ էին օգտագործման և արդեն դուրս էին եկել կրակային բնագիծ, բայց օգտագործել այդ զինատեսակները՝ նշանակում էր սկսել լայնածավալ ռազմական գործողություններ։ Բայց մենք տեսնում էինք իսկապես, որ ադրբեջանցիները լայնածավալ պատերազմ չեն սկսել, չեն սկսել հենց այն պատճառով, որ  քաջ գիտակցում էին, թե ինչ էր լինելու պատասխանը։ Եթե նրանց զինատեսակների հեռահարությունը թույլ էր տալիս հրթիռակոծել մեր զորքերի մշտական տեղակայման վայրերը, նույնիսկ որոշ չափով նաև Ստեփանակերտի մատույցները, ապա մեր սպառազինությունները թույլ էին տալիս հասնել ընդհուպ մինչև Բաքու։ Եվ պատկերացնո՞ւմ եք, թե ինչ տեղի կունենար։ Իսկ ինչո՞ւ ադրբեջանցիները չէին ուզում լայնածավալ պատերազմ, որովհետև իրենք շատ լավ գիտակցում էին, որ իրոք աչքս չէի թարթելու՝ կատարելու այն, ինչ ես պարտավոր էի կատարել»,- ասել է Սերժ Սարգսյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ապրիլյան պատերազմի հանգամանքերն ուսումնասիրող քննիչ հանձնաժողովի նիստին կմասնակցի ԱԳ նախկին նախարարը
Անդրանիկ Քոչարյանը տարակուսանք հայտնեց այն փաստով, որ «Լուսավոր Հայաստան» խմբակցության քարտուղար Գեւորգ Գորգիսյանը նիստին չի մասնակցել…
Հակառակորդը հրադադարի պահպանման ռեժիմը խախտել է ավելի քան 120 անգամ` արձակելով շուրջ 1500 կրակոց
ՊԲ առաջապահ զորամասերը շարունակում են տիրապետել օպերատիվ-մարտավարական իրադրությանը…
Քննիչ հանձնաժողովը միայն Կարեն Կարապետյանի ասածի վրա չի հիմնվում. Անդրանիկ Քոչարյան
Նա այդ տեսակետը հայտնել էր 2017 թվականի մարտի 1-ին եւ 2017 թվականի մարտի 13-ին եւ մեզ հետաքրքրիր էր՝ Կառավարությունն այդ տեսակետների…
Էդվարդ Նալբանդյանը կհրավիրվի ապրիլյան քննիչ հանձնաժողով
Էդվարդ Նալբանդյանին արդեն ուղարկել եմ նամակը…
Նախորդ շաբաթ Ադրբեջանի զինուժն արձակել է շուրջ 700 կրակոց
ՊԲ առաջապահ զորամասերը հետևում են հրադադարի պահպանման ռեժիմին և շարունակում անհրաժեշտ քայլեր ձեռնարկել մարտական դիրքերի պահպանությունը հուսալիորեն կազմակերպելու համար...
Ապրիլյան պատերազմի ԱԺ քննիչ հանձնաժողով է հրավիրվել Կարեն Կարապետյանը
Կարեն Կարապետյանը կպատասխանի հանձնաժողովի անդամների հարցերին…
Ամենաշատ