News
Լրահոս
News
Կիրակի
Մայիս 31
USD
483.91
EUR
533.66
RUB
6.83
ME-USD
0.03
Տեսնել լրահոսը

Ապրիլի 2-ին ԱՄՆ-ում ՀՀ դեսպան Վարուժան Ներսեսյանը հարցազրույց է տվել «Ամերիկայի Ձայն» լրատվական գործակալությանը։ Դեսպան Ներսեսյանը խոսել է նոր տիպի կորոնավիրուսի տարածման պայմաններում ԱՄՆ-ում ՀՀ դեսպանության գործունեության, ԱՄՆ-ում գտնվող ՀՀ քաղաքացիների, մասնավորապես, ուսանողների առջեւ ծառացած խնդիրների մասին,  ներկայացրել է ԱՄՆ-ի հայ համայնքում առկա իրավիճակը։ ՀՀ դեսպանն անդրադարձել է նաեւ COVID19-ի հետագա տարածման դեմ պայքարում ԱՄՆ հետ համագործակցությանը:

Խոսելով ստեղծված իրավիճակում ՀՀ քաղաքացիների առջեւ ծառացած խնդիրների լուծմանն ուղղված դեսպանության ջանքերի մասին՝ դեսպան Ներսեսյանը նշել է․ «Համաճարակի բռնկումից ի վեր, մենք համակողմանիորեն աջակցել ենք մեր քաղաքացիներին։ Նախ կոչ ենք արել, եւ՛ արտաքին գործերի նախարարությունը, եւ՛ ԱՄՆ-ում ՀՀ դեսպանությունը, կամավոր կերպով գրանցվել եւ հաշվառվել մեր հյուպատոսական համապատասխան ծառայություններում, որպեսզի մենք կարողանանք անմիջապես կապ հաստատել մեր քաղաքացիների հետ՝ նրանց ցուցաբերելով անհրաժեշտ աջակցություն։

Ցավոք, ոչ բոլորն են գրանցվել այս ընթացքում։ Սակայն նրանց, ովքեր գրանցվել եւ մեզ հետ կապ էին հաստատել, անմիջապես օգնել ենք մեր գործառույթների շրջանակներում եւ մեր հնարավորությունների սահմաններում։ Մասնավորապես, այս ընթացքում մեր կողմից կազմակերպվել է Ֆլետչերի դիվանագիտության եւ իրավունքի դպրոցում  սովորող 15 հայ ուսանողների վերադարձը, ինչպես նաեւ Այովա նահանգից մի խումբ հայ ուսանողների վերադարձը Հայաստան։ Նույնը նաեւ բազմաթիվ այլ քաղաքացիների պարագայում. ովքեր զանգահարել եւ կապ են հաստատել մեզ հետ, կարողացել ենք անհրաժեշտ խորհրդատվություն եւ հյուպատոսական աջակցություն տրամադրել»։

Դեսպան Ներսեսյանն անդրադարձել է նաեւ դեռեւս ԱՄՆ-ում գտնվող հայ ուսանողների խնդրին․ «Մենք կարողացել ենք մեր ուսանողներին՝ թե՛ մեր ուժերով, թե՛ տեղի համայնքի աջակցությամբ ցուցաբերել համակողմանի աջակցություն: Այս պահի դրությամբ մեզ հետ կապի մեջ են տարբեր նահանգներում գտնվող 24 ուսանողներ: Գիտեք, որ բոլոր չվերթները, որով հնարավոր էր մեկ կամ երկու կանգառով վերադառնալ Հայաստան, արդեն դադարեցվել են:

Բոլորի հետ, ում տվյալները հաշվառվել են դեսպանությունում, 24-ժամյա ռեժիմով կապի մեջ է հյուպատոսը, գրանցում է նրանց բոլոր խնդիրները։ Այս պահին ուսանողների մեծամասնությունը գտնվում է կամպուսում, եւ դեռեւս օգտվում է իրենց կրթաթոշակներից։ Նրանց բոլոր խնդիրները փորձում ենք օպերատիվ կերպով հասցեագրել եւ ցուցաբերել աջակցություն։

Նաեւ Պետքարտուղարության կողմից կազմակերպված «Flex» ծրագրով տարբեր նահանգներում են գտնվում 37 աշակերտներ։ Ծրագրի կազմակերպիչների եւ ամերիկյան կողմի հետ խորհրդակցությունների ընթացքում ընդգծվել է, որ առավել անվտանգ է նրանց կեցությունն առայժմ շարունակել ԱՄՆ-ում՝ այն ընտանիքներում, որտեղ գտնվում են, քան նրանց վերադարձնել Հայաստան։ Հետեւաբար, բոլորի հետ մշտական կապի մեջ ենք եւ ցանկացած հարց առաջանալու դեպքում փորձում ենք հնարավորության շրջանակում տեղում անմիջապես հասցեագրել այն»։

Անդրադառնալով հայ-ամերիկյան փոխգործակցությանը՝ Վարուժան Ներսեսյանը, մասնավորապես, նշել է. «Այս իրավիճակի հենց սկզբից մշտապես կապի մեջ ենք եղել ԱՄՆ պատկան մարմինների հետ, պարբերաբար իրականացվել են խորհրդակցություններ, փոխանակվել է տեղեկատվություն եւ ամերիկյան կողմը մի քանի օր առաջ արդեն հայտարարեց ՀՀ-ին տրամադրվող 1 միլիոն  100 հազար դոլարի չափով օգնության մասին, ինչի համար մենք, բնականաբար, շատ շնորհակալ ենք ամերիկյան իշխանություններին»։

ԱՄՆ-ում ՀՀ դեսպանը ներկայացրել է նաեւ ԱՄՆ հայ համայնքում առկա իրավիճակը․ «Մեր ուշադրության կենտրոնում են ՀՀ քաղաքացիները եւ ամերիկահայ համայնքը։ Ես կանոնավոր կապի մեջ եմ ԱՄՆ Արեւելյան ափի Հայ Առաքելական Եկեղեցու թեմերի առաջնորդների հետ, հայկական բոլոր առաջատար կազմակերպությունների, կուսակցությունների ղեկավարների հետ եւ տեղեկատվության պարբերական փոխանակում ենք իրականացնում։

Ցավոք, հայաշատ համայնքները գտնվում են թե՛ Արեւելյան, թե՛ Արեւմտյան ափում հենց այն նահանգներում, որոնք ամենահուժկու հարվածն են ստացել կորոնավիրուսից. խոսքը Կալիֆորնիայի եւ Նյու Յորքի նահանգների մասին է։ Այս պահի դրությամբ, Կալիֆորնիայում միայն մեկ մահվան դեպքի մասին է հայտնի: Մենք մեր համայնքի տարբեր կազմակերպություններից պարբերաբար տեղեկատվություն ենք ստանում եւ փորձում հասկանալ՝ ինչ իրավիճակ է տիրում հայկական համայնքներում»։

Տպել
Կարդացեք նաև
Ամբողջը
1297 կազմակերպության գործունեություն դադարեցվել է
Բոլոր ստուգվողներին տրամադրվել են խորհրդատվություն և խախտումների անհապաղ վերացման պարտադիր կատարման…
Իսպանիայում կերկարաձգվի արտակարգ դրության ռեժիմը մինչեւ հունիսի 21-ը
Տեսակոնֆերանսի ընթացքում Սանչեը հայտարարել է տարածաշրջային կառավարության առաջնորդներին, որ դա կլինի վերջին սահմանափակումը, որը կընդունվի Իսպանիայում կորոնավիրուսի պանդեմիայի կապակցությամբ․․․
Կորոնավիրուսի հետեւանքով մահացել է Սարհատ Պետրոսյանի մայրը
Խորը կսկիծով հայտնում ենք Ռուբինա Ղազարյանցի մահվան բոթը…
Պուտինն ու օտարերկրյա առաջնորդները կհետեւեն Հաղթանակի շքերթին տրիբունայից
Անշուշտ, կլինեն նաեւ օտարերկրյա առաջնորդներ, իսկ մոդալությունը կլինի, այսպես ասած, համաճարակաբանական․ դա ամենն է, ինչ պետք է ճշտել․․․
Կորոնավիրուսի զոհերի անանուն մնալու գաղտնի հրաման տալու մասին ինֆորմացիան ինձ համար անսպասելի չէր. Աղասի Ենոքյան
Նիկոլ, պետք չի փրկել հայ ժողովրդին, պետք չի փորձել փրկել հայրենիքը…
Եգիպտական հյուրանոցները վերսկսել են աշխատանքը
Ընդ որում՝ աղբյուրները հայտնել են գործակալությանը, որ հյուրանոցները կկարողանան ընդունել սահմանափակ թվով այցելուներ․․․