News
Լրահոս
News
Հինգշաբթի
Հուլիս 29
Տեսնել լրահոսը

Մարդկությունը պետք է հակված մնա կարեկցանքի, համերաշխության եւ հումանիզմի արժեքներին, որոնք օգնում են հաղթահարել կորոնավիրուսի պանդեմիան, նաեւ դրա ավարտից հետո։ Այդ մասին գրել է ՏԱՍՍ-ը՝ մեջբերելով Հորդանանի թագաժառանգ Հասան բեն Թալալի խոսքերը։

«Ներկայիս իրավիճակը ոչ միայն համաշխարհային ճգնաժամ է առողջապահության ոլորտում, այլ նաեւ գլոբալիզացիայի ճգնաժամ է, որը վտանգում է ժամանակակից հասարակության հիմքերն իր անզուսպ անհավասարությամբ եւ աճող անարդարությամբ, ինչպես նաեւ սպառնում է մարդկության տեսակի գոյատեւմանը կլիմայի փոփոխության պայմաներում,-նշել է նա։-Մոլորակը, որը մենք կիսում ենք այլ կենդանի էակների հետ, փխրուն է եւ ենթակա է ճգնաժամերի»։

Նրա խոսքով՝ մարդիկ պետք է լինեն համերաշխ միմյանց հետ ոչ միայն նոր տիպի կորոնավիրուսի պանդեմիայի դեմ պայքարում։ «Իսկական հաջողությունը կայանում է ոչ թե պաթոգեն միկրոօրգանիզմին հաղթելու կամ կարեկցանքի, հարգանքի եւ առատաձեռնության արժեքը նորովի գիտակցելու մեջ, այլ առաջիկա օրերի, շաբաթների եւ ամիսների ընթացքում այդ արժեքների ինստիտուցիոնալացման մեջ»։

Ընդհանուր արժեքներ

Բեն Թալալը հիշեցրել է, որ իր ողջ պատմության ընթացքում մարդկությունն ապրել է բազմաթիվ համաճարակներ, եւ դրանց դեմ պայքարելու անհրաժեշտությունը ստիպել է հասարակությանը փոխվել նոր պայմաններին հարմարվելու համար։ Այդօրինակ իրավիճակ է ստեղծվել նաեւ նոր տիպի կորոնավիրուսի պանդեմիայի դեպքում, համարում է Հորդանանի թագաժառանգը։
«Յուրաքանչյուր նոր օր կբերի ավելի լուրջ խնդիրներ, որոնք կարելի է լուծել հիվանդներին խնամելով, կյանքի որակի վրա արտադրության կրճատման ազդեցությունը նվազագույնի հասցնելով եւ ապահովելով ջրի, սննդի ու էներգիայի անհրաժեշտ մատակարարումը, ինչպես նաեւ մասնակցելով դեղորայք մշակելու մրցավազքում,-շարունակել է նա։-Ինչպես եւ ցանկացած ասիմետրիկ կոնֆլիկտում, [կորոնավիրուսի դեմ պայքարում] հաջողությունը կախված է հաստատակամությունից»։

Հորդանանի թագաժառանգը կոչ է արել մեծ ուշադրություն դարձնել համավարակի դեմ պայքարի առաջնագծում գտնվողներին՝ նախ բժիշկներին ու բուժքույրերին պահպանել մեկուսացման կանոնները, սակայն չմոռանալ օգնության կարիք ունեցող մարդկանց մասին, ինչպես նաեւ հիշել նրանց, ովքեր դարձել են գործազուրկ այս ընթացքում։

Համատեղ ջանքեր

Հասան բեն Թալալն ընդգծել է համավարակի դեմ պայքարում պետությունների համատեղ գործողությունների կարեւորությունը, ինչպես նաեւ երկրների ներսում տարբեր քաղաքական ուժերի ջանքերի միավորումը։ «Քաղաքականության մոխրագույն գոտիները, որտեղ բարգավաճում են առանց հաղթողների եւ պարտվողների խաղերը, ինչպես նաեւ երաշխավորված փոխադարձ ոչնչացման այլասերված տրամաբանությունը, չեն պաշտպանի եւ նպաստի մարդկային արժանապատվության ու բարեկեցության ապահովմանը»,-շարունակել է նա։

Որպես պանդեմիայի եւ դրանով պայմանավորված ճգնաժամի հաղթահարմանը նպաստող միջոցներ՝ թագաժառանգն առաջարկել է, մասնավորապես, քայլեր ձեռնարկել միգրանտներին եւ փախստականներին օգնելու ուղղությամբ, որոնց շրջանում կորոնավիրուսը կարող է հատկապես ակտիվորեն տարածվել։ Նա նաեւ կոչ է արել ուշադրություն դարձնել իրավիճակին Սիրիայում, Լիբիայում, Յեմենում եւ Գազայի հատվածում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վրաստանի տուրիզմի ասոցիացիա. Եվրոպացիները զանգվածաբար հետաձգում կամ չեղարկում են իրենց ամրագրումները
Նրա խոսքով՝ այդ վակուումը մասամբ լրացնում են Ուզբեկստանից, Ղազախստանից եւ Բելառուսից զբոսաշրջիկները:
Ռուսաստանում մեկ օրում հայտնաբերվել է կորոնավիրուսով վարակման 23 270 դեպք
Վերջին մեկ օրում կորոնավիրուսից մահացել է 799 մարդ...
Twitter-ը փակել է կենտրոնակայանը «դելտա» շտամի տարածման պատճառով
Twitter-ը ժամանակավորապես փակում է Սան Ֆրանցիսկոյի եւ Նյու Յորքի կենտրոնակայանը «դելտա» շտամի պատճառով...
Հայաստանը մոտ 3,46 մլրդ դրամի Sinopharm եւ Pfizer պատվաստանյութեր ձեռք կբերի․ Անահիտ Ավանեսյան
Կառավարությունն իր այսօրվա՝ հուլիսի 29-ի նիստում փոփոխություններ կատարեց «Հայաստանի Հանրապետության 2021 թվականի պետական բյուջեի մասին» օրենքում...
Ակտիվությունը պատվաստումների նկատմամբ անընդհատ աճում է. նաև սահմանափակումների փաթեթ ենք պատրաստում. Ավանեսյան
Ներկայումս դելտա շտամի պարագայում, քանի որ տարածելիությունը բավական բարձր է, ԱՀԿ-ն խորհուրդ է տալիս երկրներին պատվաստման ցուցանիշը բարձրացնել 75 տոկոսից ավել...
Վրաստանում կորոնավիրուսով վարակվածների թիվը մեկ օրում ավելացել է 2796-ով
Վարակման առաջին դեպքը գրանցվել է 2020 թվականի փետրվարի 28-ին:
Ամենաշատ