News
Լրահոս
News
Չորեքշաբթի
Մայիս 27
USD
483.91
EUR
533.66
RUB
6.83
ME-USD
0.03
Տեսնել լրահոսը

Իտալիայում որոշ քաղաքական գործիչներ, այդ թվում երկրի խորհրդարանի ստորին պալատի փոխխոսնակը իջեցրել են ԵՄ դրոշները՝ բողոքելով համերաշխության պակասից: Այս մասին Twitter-ում գրել է ընդդիմադիր «Լիգա» կուսակցության առաջնորդ Մատտեո Սալվինին:

«Եվրոպան մեզ չի օգնել, քանի որ դա այն Եվրոպան չէ, որը մենք պատկերացնում ենք: Չեմ կարծում, որ մեր պապերն ու նախապապերը արյուն են թափել, որպեսզի ազատագրեն Եվրոպան եւ այն երրորդ անգամ փոխանցեն Գերմանիային: Եվրոպան հիմնվել է Երկրորդ համաշխարհային պատերազմի ավերակների վրա»,- ասել է քաղաքական գործիչը:

Ավելի վաղ «Իտալիայի եղբայրներ» կուսակցության առաջնորդ Ջորջիա Մելոնին գրառում է կատարել, որում ասվում է, որ Եվրոպան Իտալիային միայնակ է թողել այն պահին, երբ ամենից շատ օգնության կարիք ուներ:       

Ի սկզբանե Եվրահանձնաժողովի (ԵՀ) ղեկավար Ուրսուլա ֆոն դեր Լյայենը աջակցության խոսքեր է ուղղել Իտալիային՝ Եվրոպայում համաճարակի հետեւանքով առավել տուժած առաջին երկրին։ Այնուհետեւ համաձայնվել է Բեռլինի հետ «կորոնաբոնուսների» անընդունելիության հարցում։ Ավելի ուշ նա բաց նամակով ներողություն է խնդրել իտալացիներից «սոլիդարության» պակասի համար եւ խոստացել, որ «այժմ Եվրոպան Իտալիայի հետ է»։ La Repubblica թերթում հրապարակված պատասխան նամակում Կոնտեն նշել է, որ ԵՀ-ի կողմից ենթադրվող միջոցներն «արժանի չեն Եվրոպային եւ այն մարտահրավերին, որոնց հետ տարածաշրջանը բախվել է», հաղորդում է ՏԱՍՍ-ը։

ԵՄ-ի հասցեին քննադատություն են հնչեցրել նաեւ նախկին ֆունկցիոներները։ Այսպես, Եվրահանձնաժողովի նախկին խոսնակ եւ «Առաջ, Իտալիա» կուսակցության փոխնախագահ Անտոնիո Տայանին հայտարարել է, որ ներկայումս որոշվում է միացյալ Եվրոպայի ապագան, «որը պետք է սոլիդարություն ցուցաբերի ոչ թե հանուն առանձին երկրի, այլ իր իսկ շահերի եւ միասնականության համար»։

Իտալիայում պանդեմիայի առաջին օրերից ի վեր վարակվածների ընդհանուր թիվը կազմել է 115 242 մարդ, որոնցից շուրջ 14 հազարը մահացել է, իսկ ավելի քան 18 հազարն՝ ապաքինվել։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եթե դիմակ չկրելու համար տուգանում ենք, վարակը մանկատուն ու տարեցների տուն թողնելու համար ի՞նչ պետք է արվի. ԼՀԿ-ի հարցը
Տուն-ինտերնատի մասով սկզբի մի քանի օրերը նույն ձեւով էինք աշխատում, մինչեւ պարզեցինք բոլոր վարակված անձանց...
Ռեյդեր Նուբարաշենում. ձեռնոց-դիմակների աղբաման չի եղել
Երևանի Նուբարաշեն և Նորք-Մարաշ վարչական շրջաններում, ՀՀ սննդամթերքի անվտանգության տեսչական մարմնի մասնագետ-տեսուչների...
Ոստիկանության արտաքին ստորաբաժանումների ծառայությունը արտակարգ դրության ընթացքում
Պարետի որոշման կատարումը ապահովելու նպատակով ոստիկանության բոլոր ստորաբաժանումներն անցան արտակարգ ծառայության...
Նոր համաճարակն առավելապես հարվածում է աշխատող աղքատներին, փոքր և գերփոքր կազմակերպություններին. Թադևոս Ավետիսյան
2020թ. մարտին՝ նախորդ տարվա նույն ժամանակահատվածի համեմատ մեր երկրում տնտեսական ակտիվությունը նվազել է 4,4 տոկոսով...
ՀՀ կառավարությունը քայլեր է ձեռնարկում կորոնավիրուսի պայմաններում զբոսաշրջության ոլորտին աջակցելու համար․ նախարար
Դրանք հյուրանոցային համալիրներ են ու հասարակական սննդի կետեր, եւ գիդեր․․․
Սերգեյ Սոբյանինը հայտարարել է Մոսկվայում կարանտինի մեղմացման մասին
Ամենաշատ