ՕՊԵԿ+-ի երկրները հետաձգել են ապրիլի 6-ին նախատեսված արտակարգ գագաթնաժողովը, հայտնում է Reuters-ը` վկայակոչելով կազմակերպության աղբյուրները:
Ըստ նրանց` գագաթնաժողովի անցկացման նոր ամսաթիվը կարող է լինել ապրիլի 8-ը կամ 9-ը: Սա լրացուցիչ ժամանակ կտա արտահանման ծավալի կրճատման շուրջ բանակցություններին, հայտնում է ՌԲԿ-ն` վկայակոչելով Reuters-ը:
Իր հերթին, ՏԱՍՍ-ի աղբյուրներն ՕՊԵԿ+-ի երկրների պատվիրակություններում պնդում են, որ հանդիպման հետաձգումը քննարկվում է: Գործակալության զրուցակիցներից մեկի խոսքով` ապրիլի 6-ն այլեւս վերջնական ամսաթիվ չէ, մեկ այլ աղբյուր նշել է, որ միջոցառումը կարող է հետաձգվել մինչեւ հինգշաբթի` ապրիլի 9-ը:
