News
Լրահոս
News
Չորեքշաբթի
Հունիս 03
USD
482.38
EUR
540.89
RUB
7.05
ME-USD
0.03
Տեսնել լրահոսը

«Վերնատուն» ակումբի անդամ, քաղաքական վերլուծությունների «Ակունք» կենտրոնի տնօրեն Ռուբեն Հակոբյանն իր ֆեյսբուքյան էջում գրել է.

«Փաշինյանը կհրաժարվի՞ քինախնդրությունից...

Լա՛վ, Ն. Փաշինյանի կողքին չկա մեկը, ով կհամարձակվի նրան բացատրել, որ ստեղծված իրավիճակում, որպես խափանման միջոց Ռ. Քոչարյանին կալանքի տակ պահելը ընդամենը փոքրոգի, մանր ու քենախնդիր մարդու պահված է։

Առնվա՛զն...

Բացահայտ փաստ է, չէ՞, որ իր անմիջական հրահանգով է կալանավորվել ԱՀ 1-ին և ՀՀ 2-րդ նախագահը «հետհեղափոխական ժողովրդավարական» Հայաստանում և արմենդանիելյանական ստրկամիտ տեսակի անխնա օգտագործումով շարունակել է դատաիրավական համակարգի ոչնչացումն ու իշխանության մյուս ճյուղերի բռնազավթումնը «ես եմ պետությունը»՝ միջնդարյան հայտնի կարգախոսի գործադրմամբ։՛

Լա՛վ, չկա՞ մեկը, թեկուզ ընտանեկան իշխանական կապալի շրջանակից, բացատրի, որ իշխանությունը հավերժ չէ և քաղաքական քինախնդրության բումերանգն էլ կարող է նույն ստորագրությունն ունենալ, ինչն այսօր թողնում ես դու...

Եվ, վերջապես, մասնագետների շրջանում չկա՞ մտերիմ մեկը, ով կարողանա նրան համբերատար բացատրել, որ կորոնավիրուսը դալտոնիկ է, սև ու սպիտակ գույները միմյանցից չի տարբերում, գրոհելուց էլ քեզ ու նախկիններին նույն արշինով է չափելու... Գուցե ժամանակն է հրաժարվե՞լ քինախնդրությունից ու տարիներ շարունակ հասարակությանը պառակտող բաժանարար գծեր քաշելու հեղափոխական այդ կորոնավիրուսից և, ժողովրդին համախմբելով, հավաքաբար դիմակայել իրական կորոնավիրու՞սը...

Կհամոզվի՞...»։

Տպել
Ամենաշատ