News
Լրահոս
News
Երկուշաբթի
Հունվար 18
USD
522.53
EUR
634.35
RUB
7.13
ME-USD
0.01
Տեսնել լրահոսը

Հիմա Փաշինյանը չի ուզում նկատել իրական՝ կորոնավիրուսային վիճակագրությունը: Այս  մասին իր ֆեսբուքյան էջում գրել է քաղաքագետ Անդրանիկ Թեւանյանը «Հայաստան VS Վրաստան․ կորոնավիրուսային ապտակ» վերնագրված գրառումով»

«Մինչև կորոնավիրուսային ճգնաժամը ՀՀ վարչապետը սիրում էր Վրաստանի (նաև՝ Ադրբեջանի) հետ տնտեսական ցուցանիշներով մրցել ու տարածաշրջանային առաջատար ներկայանալ։ «Թավշյա» հեղափոխությունը տեղափոխվել էր վիճակագրական հարթություն։

Հիմա Փաշինյանը չի ուզում նկատել իրական՝ կորոնավիրուսային վիճակագրությունը։ Ձեռնտու չէ, քանի որ մենք տարածաշրջանային առաջատար ենք դարձել՝ վատ իմաստով առաջ անցնելով և՛ Վրաստանից, և՛ Ադրբեջանից։ Իսկ բնակչության 1 միլիոնին ընկնող վարակվածների թվով ավելի վատ է միայն Իրանում։ Մեր մյուս հարևանների մոտ համեմատաբար լավ է վիճակը։

Այս պահի դրությամբ Հայաստանում պաշտոնապես կա 822 վարակված, իսկ Վրաստանում՝ 170։ Այսինքն՝ մոտ 5 անգամ ավելի։

Մահացության թվերն էլ մեր օգտին չեն՝ 7–ը 1–ի դիմաց։

Եվ սա այն դեպքում, երբ բնակչության թվաքանակով Վրաստանը գերազանցում է Հայաստանին, բոլոր սահմանները բաց էին մինչև ճգնաժամը և մեր համեմատ 4 անգամ ավելի շատ զբոսաշրջիկ է ընդունել։ Այսինքն՝ բոլոր պայմանները կային, որ Վրաստանը մեզանից ավելի վատ ցուցանիշ ունենար կորոնավիրուսային տարածման առումով, սակայն ունենք հակառակ պատկերը։

Պատճառն այն է, որ Վրաստանում մատների արանքով չնայեցին խնդրին ու կոնկրետ քայլեր իրականացրեցին։ Իսկ այստեղ կորոնավիրուսի տարածմանը զուգահեռ մարդկանց մեծ խմբերով հավաքում ու «այո»–ի, ավելի ճիշտ՝ ատելության քարոզ էին կարդում։

Մարտի 1–ին հայտարարվեց, որ կորոնավիրուսի դեպք է հայտնաբերվել, բայց դրանից հետո հանրաքվեի և մի քանի դատավորի աշխատանքից հեռացնելու, կամակատար ՍԴ ունենալու հարցն ավելի կարևորվեց, քան «հպարտ» որակված քաղաքացիների կյանքն ու առողջությունը։

Վրաստանում չէին հայտարարում, որ սա գրիպի պես մի բան է, անվտանգ է ու հատուկ միջոցառումների կարիք չկա։ Հայաստանում ճիշտ հակառակն էր արվում։

Հայաստանին, անշուշտ, չէր կարող շրջանցել կորոնավիրուսը։ Սա խնդիր է, որին բոլոր երկրներն են առնչվում։ Խնդիրը, սակայն, մեզ համար բարդանում է ոչ կոմպետենտ և ստախոս իշխանության գոյությամբ։

Կորոնավիրուսն ամբողջ աշխարհում հարվածում է պոպուլիստ և դիլետանտ իշխանություններին։ Բացահայտում է դրանց դատարկությունն ու վտանգավորությունը։ Որպես հետևանք տուժում են այն երկրները, որտեղ ժողովուրդը հանդուրժել է պոպուլիզմն ու դեմագոգիան։

Հետկորոնավիրուսային Հայաստանը, հետևաբար, պետք է բեռնաթափված կլինի պոպուլիզմից ու անգրագետ կառավարումից։ Վիրուսի դեմ պայքարելու իմունիտետին զուգահեռ մեր ժողովուրդը պետք է վակցիա ստանա նաև պոպուլիզմի ու ամբոխավարության դեմ։ Այլապես հետագայում ավելի մեծ փորձության կարող է ենթարկվել։

Անտեսանելի թշնամուց զատ մենք շատ տեսանելի թշնամի ունենք և չենք կարող մեզ վատ կառավարման շռայլություն թույլ տալ»։

Տպել
Կարդացեք նաև
Ամբողջը
Բրազիլիայի նահանգը դատարան է դիմել ռուսական «Սպուտնիկ V» պատվաստանյութը գրանցելու համար
Հուսով ենք, որ երկրի բարձր ատյանների դատարանները պակաս կտրված են իրականությունից եւ արագ կպատասխանեն մեր հասարակությանը...
Կորոնավիրուսի դեմ պատվաստված մարդկանց արտոնությունների մասին Գերմանիայի ԱԳՆ-ի առաջարկը խոշոր սկանդալի պատճառ է դարձել
Ոչ միայն պրոֆիլային կազմակերպությունները, այլ նաեւ քաղաքացիները սոցցանցերում համարում են այդ գաղափարը՝ որպես չափազանց անպատասխանատու եւ վնասակար...
Ավստրիայի կանցլերը հայտարարել է մինչեւ փետրվարի 7-ը կոշտ կարանտինը երկարաձգելու մասին
Կուրցը խորհուրդ է տվել բնակչությանը սովորական բժշկական դիմակներ կրելու փոխարեն հասարակական վայրերում կրել FFP2 դասի պրոֆեսիոնալ ռեսպիրատոր դիմակներ…
Իսրայելում 13 մարդու դեմքի նյարդը պարալիզացվել է Pfizer պատվաստանյութի առաջին ներարկումից հետո. ԶԼՄ-ներ
Այսպես, պատվաստվածներից մեկը պատմել է, որ ներարկումից մի քանի րոպե անց դնչի եւ բերանի շրջանում արտասովոր զգացողություններ է ունեցել...
Իտալիայում քաղաքական ճգնաժամ է հասունանում կորոնավիրուսի համավարակի ֆոնին. Associated Press
Եթե Կոնտեի դիմումը հաջողվի եւ նա ստանա աջակցությունը, ապա կարող է ձեւավորել երրորդ կոալիցիոն կառավարությունն Իտալիայում 2018 թվականի ընտրություններից հետո…
Սինգապուրում խստացրել են երկիր մուտք գործելու կանոնները կորոնավիրուսի պատճառով
Բացի այդ, հունվարի 31-ին, ժամը՝ 23:59-ից, երկիր ժամանողները պետք է ձեռք բերեն զբոսաշրջային ապահովագրություն COVID-19-ի կապակցությամբ հոսպիտալացման ու բուժման ծախսերը փոխհատուցելու համար Սինգապուրում 22.6 հազար դոլար նվազագույն ծածկողականությամբ…
Ֆոտոռեպորտաժներ