Հայաստանից ծխախոտի եւ կարտոֆիլի արտահանման սահմանափակում չկա: Այս մասին ապրիլի 6-ին լրագրողների հետ զրույցում ասաց ՀՀ էկոնոմիկայի փոխնախարար Վարոս Սիմոնյանը:
Նրա խոսքով՝ էկոնոմիկայի նախարարությունը դեռ տեղեկություն չի ստացել ծխախոտային ապրանքների արտահանման հետ կապված որեւէ բարդության հետ: «Մեզ հաջողվեց հասնել նրան, որ Հայաստանից ծխախոտի եւ կարտոֆիլի արտահանումը չի ներառվել ԵԱՏՄ երկրներից արտահանման համար արգելված ապրանքների ցուցակում»,- նշեց նա:
Ինչ վերաբերում է Հայաստանի ներսում բիզնեսի վարման առանձնահատկություններին, փոխնախարարը պարզաբանեց, որ օրինակ եթե տնտեսվարող սուբյեկտը մի քաղաքում բիզնեսով է զբաղվում, սակայն ապրանքը ստանում է մյուս քաղաքից, ապա պետք է համապատասխան ստացական ունենա: «Եթե քաղաքացու մոտ խնդիրներ առաջանան, ապա նրանք կարող են նախարարության թեժ գիծ զանգել»,- հավելեց Վարոս Սիմոնյանը: