News
Լրահոս
News
Չորեքշաբթի
Հունիս 03
USD
482.49
EUR
539.28
RUB
7.02
ME-USD
0.03
Տեսնել լրահոսը

Հակակոռուպցիոն գործերի քննության ընթացքից ես գոհ չեմ, մենք վերջերս մի քանի խորհրդակցություններ ենք արել, ես մի քանի կոնկրետ հանձնարարականներ եմ տվել, որ այդ գործերի արդյունավետությունն էականորեն ավելանա: Այս մասին այսօր՝ ապրիլի 6-ին, քաղաքացիների հարցերին պատասխանելիս հայտարարեց ՀՀ վարչապետ Նիկոլ Փաշինյանը:

«Մենք փորձել ենք դուրս բերել պատճառները, թե որտեղ են, որ կան օբյեկտիվ պատճառներ, որտեղ կան սուբյեկտիվ պատճառներ, որ այդ գործերն արդյունավետ կերպով առաջ չեն ընթանում: Իմ գործընկերները գիտեն, որ եթե արդյունավետությունը չբարձրանա, մենք այլ կարգի որոշումներ պետք է կայացնենք»,-ասաց Փաշինյանը:

Հարցին, թե դեռ որքան հայ ժողովուրդը պետք է սպասի, որ նախկին կոռումպացված թալանչիների գույքն ու միլիարդավոր դոլարների թալանը վերադարձվի, Փաշինյանն արձագանքեց. «Խնդիրը այդ բռնագանձված գումարները չեն: Խնդիրն այն է, որ 2018-ից ի վեր մինչեւ այս պահը Հայաստանի բյուջեի եկամուտներն ավելացել են 1 մլրդ 100 մլն դոլարով: Դա ի կատարումն իմ նախահեղափոխական խոստման, որ առաջին 1-2 տարում բյուջեի եկամուտները պետք է աճեն 30-35 տոկոսով: Հիմա դրանք աճել են 40-45 տոկսոով: Բա այդ փողը օդից ընկա՞վ: Դա ստվերի դեմ պայքարն է, մենաշնորհների դեմ պայքարն է, կոռուպցիայի դեմ պայքարն է:

Կան նաեւ քրգործերով վերադարձված գումարներ, որոնցից ես գոհ չեմ, բայց 40 մլրդ դրամ այս պահին հետ է բերվել: Իսկ հարուցված քրգործերը վերաբերում են 190 մլրդ դրամի չարաշահումների: Սա ամբողջը չի: ՀՀ-ում կոռուիպցիայի դեմ պայքարը շարունակվելու է եւ ամենինչ անելու ենք դրա արդյունավետությունը բարձրացնելու համար»:

!
Այս նյութը հասանելի է նաև   English and Русский
Տպել
Ամենաշատ