Մենք երկու կարեւոր խնդիր ունենք՝ պարենային անվտանգության խնդիր եւ գյուղարտադրանքն արտահանելու խնդիր: Այս մասին այսօր՝ ապրիլի 6-ին, քաղաքացիների հարցերին պատասխանելիս հայտարարեց ՀՀ վարչապետ Նիկոլ Փաշինյանը:
Հարցին, թե արդյոք չկան գյուղմթերքի արտահանման եւ իարցման ոլորտում ռիսկեր, վարչապետը պատասխանեց. «Մարդիկ թե կորոնավիրուսից առաջ, թե հետո շարունակելու են սնվել, եւ մենք խթանում ենք, որ այդ ոլորտում հնարավորինս մեծ արդյունքներ ունենք: Մենք ամեն ինչ անելու ենք, որ գյուղատնտեսական մաքսիմալ շատ արտադրանք ունենանք, իսկ իրացման հարցերը կլուծվեն, որովհետեւ սնունդը միշտ էլ ունենալու է շատ մեծ պահանջարկ: Իրացման առումով մտավախություններ չունենք»:
