Կորոնավիրուսի տարածման շրջանում մեր գերատեսչությունն սոցիալական ծրագրեր է իրականացնում` աջակցություն ցուցաբերելով ավագ սերնդի մշակույթի վաստակավոր գործիչներին: Այս մասին ապրիլի 7-ին լրագրողների հետ հանդիպման ժամանակ հայտարարեց ՀՀ կրթության, գիտության, մշակույթի եւ սպորտի փոխնախարար Արայիկ Խզմալյանը:
Ըստ նրա` կազմվել է ցուցակ, ձեւավորվել են կամավորների խմբեր: «Առողջապահության նախարարությունn անհրաժեշտ պաշտպանիչ միջոցներ է տրամադրել: Կամավորներն այցելում են ավագ սերնդի վաստակավոր մշակութային գործիչներին եւ աջակցություն ցուցաբերում նրանց` դեղորայքի գնումից սկսած մինչեւ անհրաժեշտ իրերի տրամադրումը: Այժմ բանակցություններ են ընթանում հովանավորների հետ` աջակցությունը մեծացնելու համար»,- ասաց նա: