Ադրբեջանում հայտնաբերվել է կորոնավիրուսով վարակման 76 նոր փաստ, մահացել է մեկ մարդ, փոխանցում է Trend-ը՝ վկայակոչելով կառավարությանն առընթեր Օպերատիվ շտաբին:
Ըստ տեղեկությունների՝ 1953 թվականին ծնված կորոնավիրուսով վարակված քաղաքացու առողջական վիճակի կայունացման համար վերակենդանացման միջոցները ապարդյուն են եղել: Այս պահին պարզում են նրա ընտանիքի անդամներին, ինչպես նաեւ մյուս անձանց, որոնց հետ նա շփվել է:
Եկրում մինչ օրս հաստատվել է վարակման 717 դեպք, որոնցից առողջացել է 44-ը, մահացել 8 մարդ: Հատուկ ռեժիմի հիվանդանոցներում բուժումը շարունակում է 665 մարդ: Նրանցից 23-ի վիճակը ծանր է, 31-ի վիճակը միջին ծանրության է, մնացյալն իրենց նորմալ են զգում:
Վարակման փաստերը պարզելու համար անցկացվել է ընդհանուր 53 300 թեստ:
