News
Լրահոս
News
Հինգշաբթի
Մայիս 28
USD
483.91
EUR
533.66
RUB
6.83
ME-USD
0.03
Տեսնել լրահոսը

Փետրվարին Երեւանում բնակարանների 1 ք/մ մակերեսի դիմաց շուկայական արժեքը սահմանել է հերթական ռեկորդը՝ ըստ վերջերս հրապարակված պաշտոնական վիճակագրական տվյալների։

Ամենամեծ բացարձակ աճը գրանցվել է Կենտրոն էլիտար համայնքում։ Այդտեղ 1 ք/մ մակերեսի գինը թանկացել է 209 դոլարով մեկ տարվա ընթացքում (տե՛ս աղյուսակը)։ Հաշվետու ամսվա ընթացքում գրանցվել է նաեւ ուրիշ ռեկորդ։ Փետրվարին Երեւանում գրանցվել էր բնակարանների առուվաճառքի 986 գործարք, ինչը 82 գործարքով (կամ 9 տոկոսով) ավելին է, քան անցած տարվա նույն ամսում։

Փետրվարին COVID19 կորոնավիրուսային վարակի գործոնը դեռեւս չէր հասցրել բացասական ազդեցություն թողնել Հայաստանի վրա։ Հիշեցնենք, որ մարտի 11-ին էր Առողջապահության համաշխարհային կազմակերպությունը պաշտոնապես ճանաչել կորոնավիրուսի բռնկումը որպես պանդեմիա։ Այժմ մեր երկրի իրավիճակին ծանոթ են բոլորը։ Հասարակության նորմալ կյանքը լրջորեն խախտվել է, եւ շատերն արդեն չեն հետաքրքրվում բնակարանի առուվաճառքով։ Այս պայմաններում չի բացառվում անշարժ գույքի գնիջեցում սպառողական պահանջարկի կրճատման պատճառով։

Բանն այն է, որ բնակարանների գնորդների շջանում եղել են քաղաքացիներ, որոնք ներդրել են իրենց կապիտալն անշարժ գույքի մեջ։ Այլ կերպ ասած՝ գնել են բնակարաններ մայրաքաղաքում, եւ այնուհետեւ վարձով հանձնել դրանք, այդ թվում՝ օտարերկրյա զբոսաշրջիկներին։ Սակայն այժմ նրանք հույս չեն կապում օտարերկրյա քաղաքացիների հետ։ Այդ հանգամանքը, բնականաբար, կանդրադառնա բնակարանների գնորդների այդ կատեգորիայի վրա։ Կնոսրանան նաեւ Հայաստանում օտարերկրացի գնորդների շարքերը։

Ռուսաստանում, որը նույնպես բախվել է համաճարակի բռնկման հետ, չկա միանշանակ կարծիք անշարժ գույքի շուկայի մոտ ապագայի մասին։ Ռուս փորձագետները պարզապես չեն անում հստակ կանխատեսումներ՝ բացատրելով դա մի շարք գործոնների անկանխատեսելիությամբ, որոնք հիմնականում կապված են կորոնավիրուսի հետ։ Իսկ նորություններն այդ ոլորտում դեռեւս հուսադրող չեն։ Դա, իհարկե, խնդիր է ոչ միայն Ռուսաստանում, կամ Հայաստանում։ Աշխարհի բազմաթիվ երկրներում իսկական քաոս է, իսկ համաշխարհային տնտեսությունն անկման փուլում է։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փաշինյանը մոլորության մեջ է գցել հանրությանը. «COVID-19 Հայաստան» Փաստահավաք խումբ
Ներկայացնում ենք նոր կորոնավիրուսային համավարակի ալիքի զարգացման չորս հիմնական փուլերը...
Ծանր վիճակում պացիենտ՝ 271. Արսեն Թորոսյանը նոր թվեր է հրապարակել
Առողջապահության նախարար Արսեն Թորոսյանն իր ֆեյսբուքյան էջում...
10 օր պայքարելով կորոնավիրուսի դեմ՝ մահացել է Հայոց ցեղասպանության թանգարան-ինստիտուտի գլխավոր հաշվապահը
Մի՛ հավատացեք մոլորեցնողներին...
Վերլուծաբաններ. Բրազիլիայի նախագահը կարող է դառնալ առաջին համաշխարհային առաջնորդը, ում կտապալեն կորոնավիրուսի պատճառով
Կորոնավիրուսի պատճառով Բրազիլիան դարձել է աշխարհում թիվ մեկ թեժ կետը...
Կարանտինը կյանքեր արժեցավ, ոչ թե փրկեց դրանք․ Նոբելյան մրցանակի դափնեկիր
Ըստ նրա՝ նախազգուշական մյուս միջոցառումները, ինչպիսին են դիմակների հարկադիր կրումը, ավելի արդյունավետ կլինեին համավարակի դեմ պայքարում․․․
Կիպրոսը պարտավորվում է հոգալ COVID-19-ի դրական թեսթերով զբոսաշրջիկների ծախսերը
Կիպրոսի կառավարությունը հայտարարում է, որ կփակի COVID-19-ով հիվանդների եւ նրանց ընտանիքների կացարանի, սննդի, ըմպելիքների եւ դեղամիջոցների ծախսերը․․․
Ամենաշատ