News
Լրահոս
News
Չորեքշաբթի
Ապրիլ 24
Տեսնել լրահոսը

Լոռու մարզի դատախազությունում կատարված՝ քրեական գործի նախաքննության օրինականության ստուգմամբ պարզվել է, որ Ալավերդի համայնքին պատկանող՝ Կա-խոյան փողոցում գտնվող պատկերասրահի տարածքի նկատմամբ, առանց իրավունքի պետական գրանցման համար անհրաժեշտ փաստաթղթերի, գրանցվել է այլ անձի սեփականության իրավունքը, որի հետեւանքով համայնքի օրինական շահերին պատճառվել է էական վնաս։

Մասնավորապես, 2018թ. դեկտեմբերին «Հետք» էլեկտրոնային թերթի թղթակիցը ՀՀ ոստիկանության Թումանյանի բաժնում հաղորդում է տվել առ այն, որ լրագրողական հետաքննության արդյունքում պարզել է, որ «Հայաստանի ազգային պատկերասրահի» Ալավերդու մասնաշենքը հանդիսացել է Ալավերդի քաղաքի սեփականությունը, որը, կատարված կեղծիքների արդյունքում, Լոռու մարզի ընդհանուր իրավասության առաջին ատյանի դատարանի վճռով հանձնվել է «Հայէկոնոմբանկ» ՓԲԸ-ի սեփականությանը:

Դեպքի առթիվ 2018թ. դեկտեմբերի 31-ին ՀՀ քրեական օրենսգրքի 325-րդ հոդվածի 1-ին մասի հատկանիշներով հարուցվել է քրեական գործ:

Քրեական գործի նախաքննության ընթացքում պարզվել է, որ 1997թ. մարտի 14-ին, ՀՀ կառավարության թիվ 51 որոշմամբ Կախոյան փողոցում գտնվող կահույքի նախկին թիվ 18 խանութի շենքը, որը վերածվել էր ցուցասրահի, սեփականության իրավունքով հանձնվել է Ալավերդի քաղաքային համայնքին:

Մինչ այդ՝ 1996թ. դեկտեմբերի 30-ին, «Հայէկոնոմբանկ» ՓԲ ընկերության Թումանյանի մասնաճյուղի կողմից հայցադիմում է ներկայացվել Վանաձոր քաղաքի ժողդատարան՝ Ալավերդու Քաղառի կողմից 41.392.000 ՀՀ դրամ գումար պարտքը չմարելու համար Քաղառին սնանկ ճանաչելու պահանջով: 1997 թվականի հունիսի 19-ին Վանաձորի քաղաքի ժողդատարանի որոշմամբ Ալավերդու Քաղառը ճանաչվել է սնանկ:

1997թ. օգոստոսի 08-ին դատարանի կողմից որոշում է կայացվել Ալավերդու Քաղառի գույքն ուղղակի գործարքով եւ աճուրդով վաճառելու մասին:

1997թ. օգոստոսի 11-ին սնանկության կառավաիրչը դատարանին տրամադրել է Ալավերդու Քաղառի լուծարանային հանձնաժողովի կողմից վաճառվող օբյեկտների ցանկի եւ վաճառքի նախնական գների վերաբերյալ տեղեկատվություն, որոնց թվում՝ նաեւ պատկերասրահի տարածքը, որի նախնական գին է սահմանվել 5.000.000 ՀՀ դրամը:

Լոռու մարզի առաջին ատյանի դատարանի 1999թ. ապրիլի 23-ի որոշմամբ Կախոյան 7 հասցեում գտնվող թիվ 18 խանութը, ի թիվս այլ օբյեկկտների, պարտքի դիմաց հանձնվել է «Հայէկոնոմբանկ» ՓԲ ընկերության Թումանյանի մասնաճյուղին:

Մինչդեռ Ալավերդի համայնքի 2 ղեկավարները ոչ 1997թ. եւ ոչ էլ 1999թ. որեւէ առարկություն չեն ներկայացրել պատկերասրահի տարածքի վաճառքի օրինականության վերաբերյալ՝ այն դեպքում երբ ՀՀ կառավարության 1վերոնշյալ որոշմամբ այդ հասեցում գտնվող թիվ 18 խանութի բաղկացուցիչ մաս կազմող «Հայաստանի ազգային պատկերասրահի» Ալավերդու մասնաշենքը հանձնված է եղել Ալավերդի քաղաքի սեփականությանը:

Այսինքն, ըստ նախաքննությամբ ձեռք բերված տվյալների՝ 1997 եւ 1999 թվականներին Ալավերդի քաղաքի նախկին 2 քաղաքապետերը Վ. Լալայանը եւ Կ. Եսայանը, պատշաճ չեն կատարել իրենց վրա դրված պարտականությունները եւ հետեւողական չեն եղել, որպեսզի համայնքի սեփականությանը հանձնված գույքը չներառվի ու չօտարվի այլ կազմակերպության սեփականություն հանդիսացող գույքերի հետ միասին:

Քրեական գործի նախաքննության ընթացքում վերջիններս դիմումներ են հասցեագրել նախաքննական մարմին՝ ընդունելով, որ այդ հարցում աշխատանքի կատարման նկատ-մամբ դրսեւորել են անփույթ վերաբերմունք՝ եւ խնդրելով իրենց նկատմամբ քրեական հետապնդում չիրականացնել՝ քրեական պատասխանատվության ենթարկելու վաղե-մության ժամկետներն անցնելու հիմքով:

Այսինքն քննչական մարմնում կատարված նախաքննությամբ հաստատվել է համայնքի օրինական շահերի նկատմամբ հանցավոր ոտնձգություն կատարելու փաստը, հետեւաբար քրեական հետապնդումը բացառող վերը հիշատակված հանգամանքների առկայության պայմաններում կայացվել են վաղեմությունն անցած լինելու հիմքով քրեական հետապնդում չիրականացնելու եւ վարույթը կարճելու որոշումներ:

Սակայն նկատի ունենալով, որ ենթադրյալ հանցագործության հետեւանքները չեն վերացվել՝ Լոռու մարզի դատախազ Գարեգին Մանուկյանը գրություն է հասցեագրել ՀՀ Ալավերդի համայնքի ղեկավար Ս. Խեչումյանին եւ Լոռու մարզպետ Ա. Ղուկասյանին: Մարզի դատախազը բարձրացրել է տեղական ինքնակառավարման մարմնում հետագայում նմանատիպ երեւույթները բացառելու հարցը:

Միաժամանակ միջնոդրագրով դրվել է Ալավերդի քաղաքի Թումանյան 44 եւ 44/1 հասցեներում /նախկինում Ալավերդի քաղաքի Կախոյան փողոցի 7 հասցեում/ գտնվող պատկերասրահի շենքի նկատմամբ կատարված սեփականության իրավունքի պետական գրանցումը վերացնելու /անվավեր ճանաչելու/ պահանջով ՀՀ վարչական դատարան հայցադիմում ներկայացնելու եւ համայնքի օրինական շահերը վերականգնելու ուղղությամբ անհրաժեշտ միջոցներ ձեռնարկելու հարցը՝ նկատի ունենալով, որ օրենսդրությամբ այդ գործառույթը վերջիններիս իրավասության շրջանակներում է, եւ  նրանք են հանդիսանում պատշաճ հայցվոր:

Տպել
Կարդացեք նաև
Ամբողջը
Ջիբութիի ափերի մոտ ներգաղթյալներ տեղափոխող նավ է շրջվել. առնվազն 16 մարդ զոհվել է, 28-ը՝ անհետ կորել
Ջիբութիում Եթովպիայի դեսպան Բերհանու Ցեգայեն հայտնել է, որ նավը Եմենից եթովպացի ներգաղթյալներ էր տեղափոխում...
Հաքերը կոտրել է չեխական լրատվամիջոցի կայքը և երկրի նախագահի դեմ մահափորձի մասին երկու կեղծ պատմություն հրապարակել
Denik N-ը և չեխական հեռուստաընկերությունը ևս հայտնել են կեղծ լուրերը, ըստ որի Պելեգրինիի դեմ դավադրությունը ծրագրել է Պրահայում ուկրաինացի դիվանագետը…
Գողը նաեւ թմրամոլ էր. Մուղնիում բնակարաններից մեկից գողացել էր լվացքի մեքենա եւ սառնարան
Ապրլիլի 14-ին ոստիկանության Աշտարակի բաժնում բնակարանային գողության...
Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն. ՔԿ-ն մանրամասնում է
Նախնական տվյալներով՝ դեպքի օրը տուժողի և նրա որդու միջև ընտանեկան, անձնական հարցերի շուրջ ծագած տարաձայնությունները վեր են ածվել...
Մարոկկոյի մաֆիայի ղեկավարը, որը սպառնացել էր հոլանդական գահի ժառանգորդուհուն, փախել է Իսպանիայից
Սակայն նահանգային դատարանը որոշել է ազատ արձակել տղամարդուն՝ սահմանափակումներով, այդ թվում՝ անձնագրի բռնագրավմամբ
Արարատի Նշավան գյուղում գյուղացիները, հրշեջներն ու պարեկները կանխել են անասնագոմում բռնկված հրդեհի տարածումը
Ապրիլի 22-ին, հրդեհ է տեղի ունեցել Արարատի մարզում: Ժամը 22:30-ի...
Ամենաշատ