Տուրիզմը չի մահացել, եւ այն միշտ պետք է ապրի նույնիսկ կորոնավիրուսի պայմաններում: Այս մասին ապրիլի 8-ին Մինսկ-Երեւան-Քիշնեւ-Մոսկվա-Թբիլիսի վիդեոհամաժողովի ժամանակ հայտարարեց Տուրիզմի հայկական ֆեդերացիայի նախագահ Մեխակ Ապրեսյանը:
Նրա խոսքով՝ Հայաստանում հույս ունեն, որ աշնանը զբոսաշրջիկների այցելությունները կվերսկսվեն: Ապրեսյանը մասնավորապես հավաստիացրեց, որ Հայաստանում կա հակաճգնաժամային ծրագիր:
«Երբ կորոնավիրուսի նահանգի, բժիշկները «դաբրո» տան, չվերթները կվերսկսվեն, եւ կվերսկսվեն տուրիստական հոսքերը»,- ասաց նա:
«Տուրիստական ճանապարհորդությունների աճը կբարձրանա: Դա կնպաստի տնտեսական աճին»,- նշեց փորձագետը՝ հիշեցնելով, որ երբ աշխարհում սկսվեց H1N1 վիրուսի բռնկումը, համաշխարհային տուրիզմը 4% նվազում գրանցեց:
«Տուրիզմը կորոնավիրուսի եւ այլ ճգնաժամների դեմ պայքարի համար ամենահզոր գործիքն է: Մենք բոլորս պետք է միասին պայքարենք: Տուրինդուստրիան մեր երկրում պետք է համախմբված գործի: Տարբեր երկրներում բիզնեսն ու կառավարությունները միասին պետք է գործեն: Օրինակ Հայաստանում արդեն մեկնարկել է կորոնավիրուսի հետեւանքների վերացման հարցով ծրագիրը»,- ասաց Մեխակ Ապրեսյանը:
