News
Լրահոս
News
Հինգշաբթի
Մարտ 28
Տեսնել լրահոսը

ՀՀ առաջին նախագահ Լեւոն Տեր-Պետրոսյանը հանդես է եկել հոդվածով, որտեղ նշել է․ «մինչ իշխանություններն զբաղված են գրեթե շուրջօրյա տքնաջան աշխատանքով, չգնահատված հանճարների, սադրիչների ու չարակամների մի հսկայական բանակ, հայտնի ուժերի վերահսկողության տակ գտնվող անթիվ լրատվամիջոցներով ու հարյուրավոր ֆեյքերով, փաստորեն պատերազմի երկրորդ ճակատ է բացել նրանց դեմ»։

Ըստ «Մեդիա պաշտպանի»՝ Տեր-Պետրոսյանը, փաստորեն, խորացնում է հասարակության որոշ շերտերի մոտ առկա այն թյուր կարծիքը, որ լրատվամիջոցները ընդամենը քարոզչամիջոցներ են, որոնք գտնվում են այս կամ այն քաղաքական ուժի ազդեցության տակ։ Այսպիսի պնդումները նսեմացնում են ազատ մամուլի դերը Հայաստանի Հանրապետությունում՝ նրանց լուր տարածողից իջեցնելով մինչեւ քաղաքականության գործիքի մակարդակի։

Առաջին նախագահը շարունակում է․ «Քարոզչական ու դաստիարակչական բոլոր միջոցներով հասարակությանը պարտավորեցնել ենթարկվել Արտակարգ դրության պարետի եւ Առողջապահության նախարարի հրահանգներին եւ խստորեն կատարել նրանց հանձնարարականները։ Դադարեցնել իշխանությունների նկատմամբ անվստահություն եւ ատելություն սերմանելու քարոզչությունն ու գործողությունները՝ նրանցից հաշիվ պահանջելու հարցը թողնելով ապագային»։

Ըստ աղբյուրի՝ արտակարգ դրությունը հայտարարելիս, Նիկոլ Փաշինյանի կառավարությունը մամուլի հանդեպ սահմանափակումներ էր նախատեսել, որոնք արժանացան թե՛ մեր հասարակության, թե՛ միջազգային հանրության շատ կոշտ արձագանքին։ Լեւոն Տեր-Պետրոսյանը պահանջում է իշխանություններից շատ ավելի կոշտ մոտեցում, քան նրանք էին որդեգրել։ Նա նաև հույս է հայտնում, որ «Հայաստանի երկրորդ եւ երրորդ նախագահներն իրենց վերահսկողության տակ գտնվող լրատվամիջոցներին կկարգադրեն անմիջապես դադարեցնել իշխանությունների դեմ վերջիններիս ծավալած կատաղի պայքարը եւ չեն կորցնի պետական այրին վայել վարք դրսեւորելու այս պատեհությունը»։

Փաստորեն, Տեր-Պետրոսյանը չի ընդունում, որ Հայստանում կա ազատ մամուլ, եւ եթե լրատվամիջոցները հայտնում են պաշտոնականից տարբերվող, կամ նրան հակասող լրատվություն, ապա նրանք գտնվում են երկրորդ կամ երրորդ նախագահի վերահսկողության տակ։ Քաղաքական այսպիսի պարզունակացումը ոչ միայն ջուր է լցնում Նիկոլ Փաշինյանի ջրաղացին, որն իշխանության գալու առաջին իսկ օրվանից լծվել է պայքարի այն լրատվամիջոցների դեմ, որոնք իր կողմից չեն վերահսկվում, այլեւ իրեն նեղություն էլ չի տալիս թերթել այն քարոզչամիջոցները, որոնք գտնվում են առաջին նախագահի վերահսկողության տակ, եւ որոնք ամենօրյա ռեժիմով թշնամանք ու քարոզչություն են տարածում։

«Մեդիա պաշտպան» նախաձեռնությունը դատապարտում է հասարակությունը կոնսոլիդացնելու քողի տակ մամուլի նկատմամբ նման կոշտ հարձակումները եւ հույս է հայտնում, որո Հայաստանի գործող իշխանությունները ականջալուր չեն լինի առաջին նախագահի հորդորներին եւ հավատարիմ կմնան մամուլի ազատության իրենց սահմանադրական պարտականությանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բրազիլիայի նախագահին մեղադրում են կորոնավիրուսի դեմ պատվաստվելու հարցում թույլ տված խարդախությունների համար
Նա հաստատել է, որ չի պատվաստվել․․․
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
Ամենաշատ