News
Լրահոս
News
Ուրբաթ
Մայիս 07
USD
522.09
EUR
630.68
RUB
7.05
ME-USD
0
Տեսնել լրահոսը

Կորոնավիրուսի պանդեմիան կարող է դառնալ պահպանակների պակասի պատճառ, քանի որ կարանտին սահմանելու կապակցությամբ ֆաբրիկաները փակվում են, ինչը խախտում է մատակարարման շղթան, հայտարարել է աշխարհում հակաբեղմնավորիչ միջոցների խոշորագույն արտադրողը, հաղորդում է AFP-ը:

Մալայզիան, որն աշխարհում կաուչուկի խոշորագույն արտադրողը եւ պահպանակների հիմնական աղբյուրն է, անցած ամիս սահմանել է մեկուսացման ռեժիմ, քանի որ Հարավ-Արեւելյան Ասիայում վարակվածների մակարդակը ավելացել է՝ հասնելով ամենաբարձր ցուցանշի:

Karex հակաբեղմնավորիչ հսկայի համար սահմանափակումները նշանակում են, որ ընկերությունը մեկ ամսում կարտադրի 200 միլիոն հատ պակաս պահպանակ, քան սովորաբար արտադրում էր ամսական կտրվածքով:

«Աշխարհը հավանաբար կբախվի պահպանակների պակասի հետ»,- AFP-ին տված հարցազրույցում ասել է Karex-ի գործադիր տնօրեն Գո Միա Քիատան: «Դա բարդ է, սակայն մենք կփորձենք անել հնարավորինս ամեն ինչ: Դա, անշուշտ, լուրջ խնդիր է. պահպանակը կարեւոր բժշկական պրոդուկտ է: Երբ մենք պայքարում ենք COVID-19 պանդեմիայի դեմ, կան նաեւ ուրիշ լուրջ խնդիրներ, որոնց պետք է ուշադրություն դարձնել»,-ասել է նա՝ հավելելով, որ հատկապես անհանգստացած է զարգացած երկրներում պահպանակների մատակարարման պակասով: Karex-ը ստիպված էր փակել իր գործարանները մինչեւ ապրիլի 14-ը: Ընկերությանը թույլատրվել էր վերականգնել աշխատանքը, սակայն միայն 50 տոկոսով:

«Պահպանակների կամ ինչ-որ հակաբեղմնավորիչ միջոցների պակասը կարող է հանգեցնել անցանկալի հղիությունների թվի աճին, ինչն ունի քայքայիչ բժշկական եւ սոցիալական հետեւանքներ դեռահաս աղջիկների, կանանց, նրանց զուգընկերների եւ ընտանիքների համար»,-ասել է ՄԱԿ-ի ազգաբնակչության հիմնադրամի ներկայացուցիչը: Դա նաեւ ռիսկային է հղիության վտանգավոր արհեստական ընդհատումների եւ սեռական ճանապարհով փոխանցվող վարակների ու ՄԻԱՎ-ի աճի առումով:

Անգամ չհաշված, որ գործարանների եւ սահմանների փակումը հանգեցրել է քաոսի պահպանակների արտադրության ոլորտում, պահանջարկը, կարծես, աճում է. հնդկական ԶԼՄ-ները հաղորդում են, որ պահպանակների պահանջարկն աճել է 25-35 տոկոսով երկրում մեկուսացում հայտարարելուց մեկ շաբաթ անց:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ճապոնիայում գրանցվել է կորոնավիրուսով վարակման ծանր դեպքերի ռեկորդային աճ
Վարակման դեպքերի թիվը գերազանցում է 622 հազարը, ավելի քան 10,6 հազար մարդ մահացել է...
Մանկապարտեզների համար հանվել է երեխաների թվի սահմանափակումը
Ինչպես նաև, եթե տվյալ դասարանի կամ խմբի սովորողի հետ անմիջական շփման մեջ գտնվող աշխատողի...
Մեծ Բրիտանիայում մինչեւ 40 տարեկան անձանց կառաջարկեն այլընտրանք AstraZeneca պատվաստանյութին
Մեծ Բրիտանիայում պացիենտների թիվը, որոնց մոտ պատվաստումից հետո թրոմբ է առաջացել, հասել է 209-ի...
Լուկաշենկո. Բելառուսը ստացել է COVID-19-ի դեմ սեփական պատվաստանյութը
Նա ուշադրություն է հրավիրել երաշխիքների բացակայությանը, որ ներկայիս պատվաստանյութերը ապագայում կպաշտպանեն վիրուսի նոր մուտացիներից...
Հնդկաստանում գրանցվել է կորոնավիրուսով վարակումների հերթական համաշխարհային հակառեկորդը
Դա արդեն օրական վարակման դեպքերի 11-րդ առավելագույն աճն է...
Մոլդովայի նախագահը պատվաստվել է կորոնավիրուսի դեմ
«Անհրաժեշտ է համոզել մեծ թվով մարդկանց պատվաստվել: Դա միակ ելքն է այս ճգնաժամից: Շատերը կորցրել են իրենց մտերիմներին, կորցրել աշխատանքն ու եկամտի աղբյուրը»,-ասել է Սանդուն...
Ամենաշատ