News
Լրահոս
News
Չորեքշաբթի
Հունիս 03
USD
482.49
EUR
539.28
RUB
7.02
ME-USD
0.03
Տեսնել լրահոսը

Ֆրանսիայում խիստ կարանտինի չորրորդ շաբաթվա սկզբին կորոնավիրուսի պատճառով QR կոդ են ներդրել տնից դուրս գալու համար, որը բոլորին կարելի է ստանալ ծանոթ տպագիր կամ ձեռագիր ձեւաթղթի փոխարեն:Նմանատիպ տեխնոլոգիա կիրառվում է, մասնավորապես, Ռուսաստանում եւ Չինաստանում, որտեղ քննադատության է ենթարկվել իրավապաշտպանների կողմից` հնարավոր լրտեսման պատճառով: Սակայն առցանց ձեւը, որը կարելի է լրացնել կառավարության պաշտոնական կայքում, իշխանություններին թույլ չի տալիս պահել ֆրանսիացիների տվյալները. QR կոդը գեներացվում է օգտատիրոջ սարքի մեջ, ինչը բացառում է տեղեկատվության արտահոսքի հնարավորությունը, հայտնում է RFI-ն:

Ըստ իշխանությունների` QR կոդը կամ բջջային սարքերում արագ սկանավորման գծային կոդի անալոգը ներդրվել է ֆրանսիացիների հարմարության եւ ժամանակ խնայելու համար: Կարանտինի առաջին երեք շաբաթվա ընթացքում երկրի բնակիչները ստիպված էին հատուկ ձեւաթուղթ լրացնել` անհրաժեշտության դեպքում տնից դուրս գալու համար: Նրանք, ովքեր տպիչ չունեին, ստիպված էին ձեռագիր արտագրել բավականին երկար փաստաթուղթը: Իսկ այժմ բավական է կայքում լրացնել հատուկ ձեւը, ներբեռնել գեներացված QR կոդը եւ ուղարկել այն ձեր հեռախոսին: Ձեւն ամբողջությամբ կրկնում է այն փաստաթուղթը, որը ֆրանսիացիները լրացնում են կարանտինի սկզբում: Դրանում պետք է նշել անունը, ազգանունը, ծննդյան ամսաթիվը, բնակության վայրը եւ ընտրել տնից դուրս գալու թույլատրված պատճառներից մեկը: Ընդ որում, տեղեկանքի թղթային տարբերակը նույնպես վավեր է մնում: Ստուգման դեպքում QR ծածկագիրը նույնականացման փաստաթղթի հետ միասին պետք է ներկայացնել ոստիկաններին կամ ժանդարմներին: Նրանք կկարողանան սկանավորել այն հատուկ հավելվածի միջոցով եւ տեսնել ձեւի մեձ նշված բոլոր տվյալները: Ըստ ՆԳՆ-ի` դա թույլ է տալիս ժամանակ խնայել ստուգման ժամանակ եւ նվազեցնել իրավապահների վարակման ռիսկը. չէ որ նրանց այլեւս հարկավոր չէ վերցնել ձեւաթուղթը, որի մակերեսին կարող է վիրուս լինել:

Ֆրանսիայի իշխանությունների կողմից ներդրված QR ծածկագիրը կարեւոր առանձնահատկություն ունի: Այն ստեղծվում է օգտատիրոջ սարքում հատուկ կոդի օգնությամբ, եւ լրացված տեղեկատվությունը չի փոխանցվում կառավարության սերվերին: Նման կոդով լրտեսել օգտատերերին հնարավոր չէ:

Այն, որ Ներքին գործերի նախարարությունը չի կարողանա լրտեսել օգտատերերին QR կոդի օգնությամբ, հաստատել են նաեւ ֆրանսիացի ՏՏ ակտիվիստները, որոնք հաճախ են հայտարարում իշխանությունների կողմից քաղաքացիների լրտեսման մասին: Էլիոտ Ալդերսոն կեղծանունով հաքերը պնդում է, որ տվյալները մնում են օգտատիրոջ սարքում:

Հավելվածի մշակմամբ զբաղվել է Batch ստարտափի լիոնցի հիմնադիր Իnան Պարդանոն: Նա իր սեփական կայքն է ստեղծել, որը նման է պաշտոնականի, գրեթե մեկ ամիս առաջ` կարանտինի սկզբում, եւ ֆրանսիացիներին առաջարկում էր ժամանակ խնայել եւ ամեն անգամ նորից չլրացնել ձեւաթուղթը: Ավելի ուշ կառավարությունը հետաքրքրվեց նրա մշակմամբ: կառավարությամբ: Ներքին գործերի նախարարությունը գրեթե ամբողջությամբ պատճենել է Պարդանոյի կայքը: Ինչպես նշել է ծրագրավորողը, ծրագրի համար գումար նա չի պահանջել:

Տվյալների անվտանգության հետ կապված մտահոգություններ կարող են առաջանալ ստուգման ժամանակ. եթե սովորական ստուգման ընթացքում իրավապահները չեն արտագրում տվյալներն անցորդների մասին, ապա հավելվածը կարող է թույլ տալ նրանց տեղեկատվությունն ավտոմատ կերպով հավաքել: Սակայն, ինչպես պնդում է BFMTV-ն` վկայակոչելով աղբյուրները ժանդարմերիայում, ստուգումների ժամանակ օգտագործվող ծրագրային ապահովումը թույլ չի տալիս դա անել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանում իշխանությունը իր բուն գործը թողած՝ սկսել է «ով է մեղավորը» արշավը. Էդմոն Մարուքյան
Ընդհանրապես մեղավոր փնտրելու ժամանակը չէ, որովհետեւ մենք դրանով ոչ մի հարց չենք լուծում...
Հակաճգնաժամային կառավարություն՝ ազգային համերաշխության օրակարգով․ ԱԻ նախկին նախարար
Նիկոլ Փաշինյանի կառավարությունն ամբողջովին ձախողել է հակահամաճարակային․․․
Դուբայում հունիսի 3-ից լիարժեք աշխատանքը կվերսկսեն առեւտրի կենտրոններն ու մասնավոր ձեռնարկությունները
Դուբայի տնտեությունը, որը զգալի աստիճանով կախված է մանրածախ առեւտրից եւ զբոսաշրջությունից, տուժել է կորոնավիրուսի համավարակի հետ կապված սահմանափակումներից․․․
Դա ոչ թե «Գլորիա» կարի ֆաբրիկայի, այլ ոստիկանության պարտականությունն է. փաստաբան
Որևէ սուբյեկտի պատասխանատվություն ենթարկելուց առաջ ճիշտ կլինի և օգտակար ժամանակ տրամադրել և որոշակի փաստեր ուսումնասիրել...
Այս խեղճ մարդիկ ի՞նչ անեն, ավանա՞կ պահեն տանը, հեծնեն գործի գնա՞ն․ Երվանդ Վարոսյան
Իսկ ո՞վ/ովքե՞ր էին պարտավոր գոնե 3 ամսում մշակել այս խեղճ մարդկանց թոշակն այլ, ավելի անվտանգ ու արժանապատիվ․․․
Պատասխանատվությունից «ձեռքերը լվանալու» ժամանակը․ Գարեգին Չուգասյան
Ցավոք, նորից մոտենում է «հրշեջների»...
Ամենաշատ